之前摶殺了一段時間，所以有好多COMPENSATION LEAVE要清，上星期5和NAN佬一齊清假。我們SLEEP到點幾兩點，就去樓下的新開的心粥館食TEA。

個粥上枱時，仲滾到起泡，名乎其實的生滾粥。

我叫了個牛肉豬潤粥配腸粉，HKD29，先說個腸粉，口感常可，有點放涼，但最令我討厭的是腸粉沒有「花生醬」，令成件事不完滿囉！有點像食咖喱魚蛋，沒有了咖喱一樣。

個粥都好綿好滑，個粥都食到潤味，但牛肉就沒有牛肉味…

而NAN佬就叫了個北菇滑雞粥配鹹肉粽，個粽要加HKD6，所以一共HKD35。個粽幾好食，熱騰騰，我都忍不住搶食了一點。

但個北菇滑雞粥就…沒有什麼雞味，而且只有雞骨，不點都不吸引，感覺上我有3大片豬潤抵食一點。

結帳HKD64，不用加一，坐得舒服，又不用等位，都OK啦！下次不要食腸粉和北菇滑雞粥便可。

可能我搶食NAN佬隻粽的關係，他話個肚仲有一點空虛，所以要再找東西食。我們先去阿信屋，買零食，見到立頓有檸檬茶，HKD2.6就有300ML，仲要有會員咭有折，折後，HKD2.3，所以買兩包試味。

雖然我飲開維他檸檬茶，但沒想過立頓檸檬茶個味都都OK，幾清新，我和NAN佬仲買多了4包回家做存貨。

由於NAN佬的空虛，我們再戰KFC，兩個人SHARE多一個TEA SET，我食了件雞，其它NAN佬KO，難怪我和NAN佬日過日肥…

食完，就飛快回家放下零食，再出去陪友人去照BB+DINNER。唉…又食…肥死了…一個月沒有上SCALE，一上發現重了2KG，下星期仲有一連串的假期活動，實在沒有瘦下來的決心。

歡迎留言或email我[email protected]