上星期我已經有了新玩具德國寶光波爐回家，雖然我個光波爐只有7L，但都幾有份量，即有點重量。

仲急不及待要在星期六開爐，我仲夠膽死叫VICTOR來我家試菜，他又膽生毛夠薑食我的第一次。

最先我是用少少光波少少煙肉碎，觀其時間，色變，熱力。看著個爐，一下子光，一下子暗，難怪有人話它似UFO。

當日我煲了紅蘿蔔木瓜海底椰豬骨湯，只是在惠康買的湯包和豬骨，約HKD55，一人有3碗湯，味道都OK。只可惜我忘了影個湯，只影了個煲中的煲…

由於差不多碟碟都是燒波爐整，所以我們都是食完一碟，再整一碟。最先是食「椒」，我先斬開隻椒，清空入面，再放一開波光好了的煙肉脆脆，打了三隻蛋，加少少糖，然後倒入隻椒，低架，200度光10MIN，再放少少洋蔥+未光的煙肉上面，光多5分鐘，就出來了。如我說超級好味，一定是騙你的，但是它就超級易整，想一整有滿足感和成功感的話，必試！如你不愛煙肉，放入帶子，鮮蝦都一樣的，靈感來自日本菜的蒸蛋。

再來，就是焗薯，但是有點失敗，因為我做得不夠柔滑，又忘了加SALT，還好買的材料是好東東，味道是OK的，是口感略嫌不足。下次都是直接做薯蓉，工序可以少一點。

由於光薯要成15MIN，所以我先用蒜蓉起鑊，怕朋友單食菜會口淡淡，所以隨意爆兩下剩下的煙肉備用。跟住落滾水，水滾放菜，記得要多一些水，以免有臭青味，滾好，就放煙肉上面。煙肉純裝飾用，如果想更好味感，可用光波爐光脆會更好，可惜我一開波光得太少，下次可以做得更好。

三文魚骨，我用丁點椒鹽+不知明香草低架光7分鐘，反轉，再放少少洋蔥和煙肉勞多7分鐘，食前加入檸檬汁，會更可口。

最後，一人有5粒湯圓做甜品。煮後檢討，光波爐真的幾好用，不用睇火，也沒有油煙，清洗又容易，煮時，又可以看到入面的情況。而NAN佬最愛用其消毒碗碟的功能，哪他就不用用熱水煲過已洗好的碗碟。

下次再用光波爐應該是2月16日，菜式已有初步構思，到時半成功時再分享吧！(半成功的意思是有可能失敗的…)

歡迎留言或email我[email protected]