閒來無事最鍾意約朋友外出用膳，一來可以吹水講是非OR事實，二來4個人可以點多些餸，試多點不同的食物，今次去了在屯門的小曼谷泰國美食。講真一點都不好坐，好擠迫，但都好多人會去食，証明了有一定的水準。
我每次去泰國店，入點生蝦刺身，蝦比我食開的細隻一點，有點淋，但個汁都做得幾好，丁點SPICY，口味比較適合不嗜辣的人。
友人每次來這間點必點，應該叫做泰式鳳爪，我一律簡稱食腳趾，我本身不太喜歡食，但亦有淺嚐，確實做得幾好，有口感，個蒜香味濃。
平時得2人時，我不能點這個明爐魚，因為NAN佬不太食的…怕骨…難得有4個人得NAN佬一個不食，我當然堅持要叫啦！好記得是HKD82，講真個味道我想像中遜色了一點，不夠惹味，就是哪種辣不夠辣，酸不夠酸，咸不夠咸…下次可以不用再點。
泰式海鮮飯，為NAN佬這個飯桶而設，他一個人食了半個，的確香口鮮味，可惜我沒有飯癮的，興趣不大。
馬拉盞炒通菜，跟平時食開的一樣好味，但份量好少…
成晚最鍾意這個咖喱海鮮椰子，友人真的好介紹，好YUMMY，香濃的椰汁甜香，咖喱滑流流的汁，配上青口，魷魚，蝦等食材，鮮味十足。
我們仲叫了蒜茸包和薄餅來配咖喱，薄餅食完先記得未影…
就這樣，結帳都只是HKD三百多一點，好飽，我們仲話下次去試個南瓜蛊，因為見到好多人點呀！
歡迎留言或email我[email protected] |
