自從無定期做運動...

每兩個月我就出事...

m come day 1 虛脫

成個下晝完全無力做野

入夜先慢慢精神翻

難道呢d就係所謂既見光死...

經痛又骨痛

真係難以想像生仔可以俾呢種痛苦強勁百倍...

不過我成日覺得

生仔既痛楚只不過係將你十個月黎缺失左既痛楚加埋一齊

最令人感動既媽媽唔係同你講佢十月懷胎好痛咁生個仔出黎

反而越輕描淡寫

講到好似只要用力"bit一bit"

個仔就出左黎咁

果d媽媽真係好勢利

唔知係佢地既忍耐力好勢利

定係佢地遺忘痛楚既能力好勢利:P

不過有d媽媽仲勢利

從來無同你提起過佢生你果陣有幾咁痛:)

只有m come先令我記得翻我係女仔-.-

望我個樣唔似

我內心更加唔似

但係呢個世界就係咁

有規有矩

從來都唔會俾你亂黎

我越黎越覺得兩性之間條界線越黎越模糊

真係除左「硬件」之外

其他一概「軟件」都可以相通

唔好話強悍 威武 可以形容一個女仔

其實男仔都可以嬌嗲 對感情好著緊

離譜既係

人數不斷上升

唔係話唔接受

只係承傳左三五七千年既道德倫理觀

令我覺得成件事好怪

但我又無理由強迫磨滅佢地既性格

我成日同自己講

先做好做女性既本分

再發展其他性格

最忌搞到自己不男不女

之所以要「學」做女仔

係因為生活上根本無人會教我點做

呀媽素顏左起碼廿年

俾個化妝袋佢. 佢都要諗半個鐘個程序係點

何況要畫得靚?

髮型亦然

長頭髮唔識紮辮 唔識紮髻 唔識夾頭髮

髮型師講既每一個建議我都唔係聽得好明

當初留長頭髮

只係覺得個樣可以女仔d

不過你望下我宜家... 有乜分別?

唯一真正學得到既女性技巧只有廚藝

但其實我手勢唔好

基本上都無正正式式煮過一餐飯

認真慚愧

我並唔係要干預任何人做佢地自己本性

只係我覺得有d野唔可以變. 唔可以逃避唔做

除非你受得起世人非議

如果唔係. 請你千祈唔好話我岐視你

其實有d女仔man起上黎好型. 好charm.

但係佢依然識得洗衫 煮飯 照顧小朋友

相反有d男仔girl起上黎好可愛. 好adorable.

但係佢依然會保護女仔

我要追趕 要學既野真係好多

一直好羨慕你地:*