放左假一個禮拜

究竟我做過d咩?

自從識左女人之後

生活變得好頹廢

呢個絕對唔係女人既錯

只係我自制力不足

以前會為左鐘意既人,,

好努力去讀書 儲錢 做運動,,

宜家完全無呢種動力

發覺自己越大越唔生性

但我真係好眼訓,, 真係好想食野,, 真係唔想換衫出街...

點算......

都唔知係好事定壞事...

自從生活變到好似一條直線咁,,

無乜大上大落,,

無乜特別感受,, 無乜難忘時刻,,

日日玩 食 訓

我個人雖則好舒服,,

但係變左個廢人,,

呀爸呀媽仲勤力過我...

難道非要過d大起大跌既生活不可?

講真,, 我唔想失去宜家擁有既一切

呢個世界太殘忍

明明我好知足,, 無乜期望,,

好應該繼續享受生活/ 死左佢

偏偏呢個社會既價值觀就係"唔忙唔得"

對於被SM慣既香港人黎講

我相信"得閒死唔得閒病"係一種幸福

當大家手頭上無野做既時候就會覺得好空虛 (好寂寞 好凍-_-)

我亦唔例外.

但係我真係唔想放棄任何野

包括去結識伴侶既機會.

我有諗過其實我係唔係唔適合係香港生活

望住人地懶洋洋咁又過一日

真係好羨慕

抑或其實只係我俾太多藉口自己?