唉 - 剛剛碰到總掣,, 打的,, 都泡湯了

但大家都知道我的星期六,, 有多麼充實

我本來將今日命名為"最懶的一天",, 點知......

翻教會.文妹岩岩係泰國帶左手信俾我 [多謝哂!!]

五點半,, 去新蒲崗

勁耐無見過燒賣,, 佢係咪調左去SMP？

散Band，去左牡丹樓食薯條

哇 ~ 我兩、三個月無去M記,, 證明我係 有減肥架!!

因為太耐無去,, 溝通都有問題,, 而且我當時係聽緊歌

我與男服務生的對話

「歡迎光臨，埋黎呢邊呀！」

「我想要個中薯條同細奶昔呀，唔該！」

「要咩味？」

因為我一心想買Shake Shake薯條,, 所以.....

「星州椒鹽」

「係細奶昔要咩味？」

當時勁尷尬> <

「士多啤梨」

「$$$$$」

「八達通呀，唔該。」

嘟!

= =已經唔係第一次係麥當勞發生同類事件

買完野諗住行翻屋企,, 證明我係 有減肥架!!

點知我係鳳德村見到個呀婆,, 個呀婆好問唔問 - 問我

「呀妹呀，去竹園點行呀？」

愕然,, 無野下化,, 係鳳德村行過去竹園? 我知呀婆你身壯力健........

「好遠架喎！」

「下，岩岩果個人叫我上天橋」

「……」

「問下果個後生仔」

唔係好遠既地方,, 好似有個送pizza既人 [但係無戴pizza hut帽]

「你識唔識去竹園呀？」

「唔識喎，問第二個啦」

身後有個送外賣既呀叔

「呀叔，點去竹園呀？」

「拿，呢度直上……之後再問其他人」

「哦」

因為我咁岩都係行個條路翻屋企,, 所以陪呀婆上去

一路行,, 想打俾呀媽求救,, 點知無錢= =

上到去,, 發覺唔對路,, 落左去鳳德商場 [我帶呀婆遊左個大圈呀!!!]

唉 - 還掂都無時間翻去打機,, 就陪呀婆行去竹園

點知去到鳳凰公園對面條天橋,, 呀婆話

「個度係咪鳳凰村呀？」

「係呀,, 你識路呀？」

「我成日落黎買野架」

「哦」

去到雙鳳街街市,, 呀婆話

「唔駛送啦，我自己識行架啦，我俾錢你答車翻屋企」

「唔駛啦，我有錢啦，你自己小心啦，我走啦，拜拜！」

「拜！」

好辛苦咁撐上去慈雲山

如果唔係呀婆,, 我係唔會去7仔買自由斟架!!

翻到屋企.........九點鐘,, 食飯

同vincy傾計計,, 大忙人也~~

好難同佢出到街,, 點知係除夕夜,, 無計...

1. 除夕夜要跟家人過

2. 討厭出去跟別人擠來擠去倒數

3. 我家能夠看煙花

我無解釋俾你聽,, 但係你會上黎睇架可?

夜啦~Have A Good Night~