本來今日要參觀海防博物館,

我地要喺13:55去到陰雨操場集合,

點知等咗成40分鐘架車都未嚟到...

喺細問之下先知道,

原來旅遊巴公司漏咗學校張單,

又臨時調唔到三架旅遊巴嚟學校,

搞到我地冇得去博物館...

仲要上禮堂睇埋嗰D所謂嘅 '歷史猛片' ...

真係無聊到極點!!

睇足個幾鍾...

我寧願瞓覺都唔想睇...

仲有今日第一個小息全班被人罰(我唔指名道姓啦,呢D野大家心照啦),

佢話我地上堂嘅時候太嘈(其實我地日日上堂都係咁o架啦),

連廁所都唔俾人去(簡直係變態),

有人自己出咗去去廁所,

點知返嚟嘅時候俾佢鬧話點解唔問咗佢先去,

我心諗問得你頭先都唔喺度...(問得你嚟都已經瀨咗啦)

咁如果人地真係忍唔住,

瀨咗喺課室係唔係你清理先...

試問聲除咗佢之外,

世界上有邊位老師唔俾放小息,

又唔俾人去廁所架??(肯定冇lo)