今個二月一個字 忙 忙得要命 我想要多一個禮拜 今個二月四個字 悲喜交集 百般滋味點滴在心頭 一字一句勝過千言萬語 不知從何說起 先說剛剛發生的吧 Fun Fair 最開心最成功的一次Fun Fair 終於在最後一年(希望不是..)贏左 係靠自己真真正正咁贏左 Most Frequented Prize – 1st Prize 所有野都好似一場夢 所做嘅終於便肯定 喺宣佈嘅嗰一刻係成班最圑結嘅時候 全班手拉著手 當得知結果的嗰一下尖叫 一段段嘅片段 不停地在腦海回憶 多謝唒咁多位嘅努力 今年係我最enjoy嘅一年 多謝搭棚嘅 諗game嘅 整game嘅 整Banner嘅 整decoration嘅 分禮物嘅 搵sponsor嘅 搵禮物嘅 買禮物嘅 做過搬運工人嘅 做過速遞信差嘅 捱過無數晚夜嘅 為FUN FAIR出過力嘅 仲有每一位每一位努力過嘅 我向你致以深躹躬(90度) 今年我覺得自己欠左呢班 好似樣樣野都交低唒俾人做 自己無真係落手落力去做 對唔住 日日放學唔係要REHERSAL就要學野 Sorry ar 各位鐵人 今年係最圑結嘅一年 講真 好少FUN FAIR唔會反面又唔鬧大交 個個都肯做野 這 是我最感動嘅 記得 在Fun Fair當日早上七時正 踏入校園那一刻多震撼 數不清嘅stall已塔下 而在遠處則看見我stall屹立不倒 一看 昨晚下雨嗎? stall頂積水了 一泡水積在膠的中央 還在努力用竹在弄走那些水 狂風一吹 膠向上飄一飄 積水都弄走了 哈 比鄰班的漂亮很多 是巧合嗎? 有可能是巧合嗎? 是人為的巧合吧 唉 慶功本是開開心心的 語氣又重了 對不起 Documentary 仍在努力 永遠都是不到死線不做野 My dearest Chinese Drama Club ‘大家好, 歡迎各位蒞欣賞“中文戲劇學會”嘅演出. 首先, 歡迎兩位評判 叮噹 同 牙輝 楊校長, 練副校長, 各位老師, 各位同學 今次參賽劇目為<銘．惶．星> 星星從不改變 改變的卻是我們 星星依然發亮 可是我們無法看見 請大家細心欣賞.’ 回想與大家度過嘅一點一滴 屬於大家嘅秘密 一齊開心過 傷心過 怒氣過 懊惱過 笑過 喊過 想將一些都停留在那一個時刻 好好咁keep屬於我地最好嘅時光 買左啦買左啦 最好的時光 何淑馨 余傲芝 陪你走過人生一個個動人章節 陪你走個人生下一個章節 回憶裏頭最好的時光 總是自動自覺配上了背景音樂 一句又一句的歌詞 成為了我們記錄那個時代日子人物情感的工具 我們都是聽流行曲長大的
不知為什麼今年拜年的確比舊年悶 尤其是年初二那餐開年晚飯 先上某親戚家拜年 一踏進門口便已見到在電視機前的“朱古力” OMG..大表姐幹麼帶埋隻狗出來拜年+食開年飯 還要坐在電視機前 也即是新年拜年活動內最大的娛樂被封殺了 一眾親友圍着小狗 我..則站在遠處 漸漸被人違忘 大人們開始由天文談到地理 繼續他們的雀局 呆呆的站着站着 當一聽到出酒樓吃飯的宣佈 我第一個衝出門口當到酒樓攞枱的Team 1 明明說坐的士 怎知Team 1得7個人 5個人上了一架的士後 只剩我爸和我 竟要走路過去 到酒樓時又是雀局雀局雀局雀局和雀局 我當然選擇跟爸爸回公司hea點時間 那又回到酒樓 拿着遙控在使用那個所謂的卡拉OK 為什麼又是剩下我一個人? 一些人在玩狗 另一些也就是我的表哥表姐 平時也不會理我 何況今次還帶了各自的男/女朋友來 還會有人理我嗎? 對於他們在玩的賭博遊戲 我又毫無興趣 還有幹麼你們玩完你們的遊戲要來佔我的地盤 人家在聽緊歌 幹麼無端端cut我的 隔離房果班大叔大嬸 收聲啦好嘛 真係唱得好難聽牙 d歌已經舊ga la 唔好再搵d粵曲嚟轟炸我la 唱歌又唔關門 大佬牙 你想點牙 走唒音仲有人拍手.. 我呢餐開年飯食到毛骨聳然
牛年大快樂 Janice生日快樂 希望你願望成真 打敗到佢 順番條氣 不過 我又搵到人同你同一日生日la XD 我諗今年利是收入唔會樂觀ga la 平時年初一二 見到邊個第一句都應該係恭喜發財 點解依家變左早晨?? 唉..講恭喜發財唔一定伸手問你攞利是ga 祝福下你得5得呀? 好無新年氣氛..
