星期二: 同熊貓去左荃灣元氣勁食壽司,佢傻左話要食20碟喎,不過最終都冇食咁多,仲俾熊貓一啖食晒我手巻入面隻軟腳蟹,激死死!!之後去H2O買CREAM,由熊貓付款,呢樣係熊貓買俾我去鄭州既禮物仔!!批左准佢去貝貝度飲湯!! 其他免問!!

星期三: 一早起身,阿爸+阿媽同我一齊起身,食早餐仲要送埋我去車站!! 坐車去皇崗,坐的士去深圳OFFICE羅機票,坐的士去深圳機場,班機DELAY左差不多一個鐘,只可以係度等,去到鄭州四點半,O個個人又話加拿大O個人又會坐6點半機,結果等了又等!! 又2個鐘!! 之後去左廣場識左一堆唔知咩人,再返酒店!! 第一次一個住一間房,間房雖然係四星,不過當然係唔靚架啦,不過都可以接受既!! 但係都唔係好訓得著!!

星期四: 第一天開工,間辦工室(只是一間房)超大又空喎,ANDY話唔知大過佢間屋幾多倍,搞左一輪電腦既SETTING,又半日,食飯,食完又去左焦作既影視城,原來都係佢地既,呢度係前排郭羨妮被忽周拍到O個度羅!!好大,真係好大,仲好食風,我地好似遊客咁有人係度介紹唔同既景點,也可以係山上面看到成個焦作巿既樣!!之後又去左個酒店地盤,真係有人做緊野,上面有好多石呀,咩呀,飛緊落黎,叫呇a停左一陣,我地走左入去,周圍好多都黑黑的,塵土飛揚,睇左個泳池,酒吧,運動場,餐廳,酒店房咁...好有一個"給你五星級的家"既感覺!!

星期五: 第二天工作,仲係唔知自己做咩,午飯又係亨樂美,第四餐,晚上去了打邊爐,不過都係不太好吃!!好野,老闆唔係度,可以早點回去,9點就返到去,天氣比前幾天冷了..ANDY真係好勁,好似咩都識咁!! 好在有佢!! 下午加拿大O個個人話出去買O的野,我同ANDY都好奇怪,佢返黎ANDY行開左,佢同我講話去買衛生巾,仲話好抵,幾蚊包買左2包,仲問我香港咩價錢,果然勁咩都唔驚!!

熊貓好似唔係幾開心,係香港又好似做得好辛苦咁樣,搞到我好擔心!!加油啦!!