終於可以靜靜地坐下打下自己既週記.......?

前幾日女皇唔覺意打開左我書枱個櫃桶,我看到一張咭,那是自己18歲生日時,林記同學送既~~

比利話: 有咩願望話佢知,佢講過會「算數」!! (你個衰人呀!!)

老摩話:我係本世紀未最後一日要開心O的!! (喂,乜而家世界未日啦咩?哈~)

老LIN話:你生日同新年咁近,可以一齊慶祝!! (好九唔搭八呀!!)

阿狗話: 希望我可以入大學,願望成真,仲話我可以睇入戲院睇三仔喎!! (唔,最終大家真係城大見羅,睇三仔唔一定要入戲院呀,傻既!)

阿橙話: 佢問我生日係唔係約左男仔,叫我唔好唔記得佢,仲話叫我睇四仔叫埋佢!! (99年既生日點過,好似冇咩印象喎,你就話多小可愛O者,四仔我睇過啦,你唔係話我知你未睇過呀麻~哈~)

主人話: 主人話我永遠都係一隻未成年既小馬/ 小狗,叫我自己去買咸書或四仔!! (搞錯,點解18歲,一定要睇四仔架,若果我永遠係你心目中係未成年既咁都未嘗不好!!)

陳棠話: 想下自己18年來做過咩? (下,18年來? 做左好多野,只不過學業仍舊一啖死水!!)

大力話: 放完假返黎唔好咁死啦,有緣上到大學一齊做同學!! (你是聰明的, 當時應該有點事,令自己好死,不過放完假,更大件事發生,仲要連續2件,不過ANYWAY,成日陪我食早餐,哈~ 雖然大學不是同學!)

家志話: 睇星可以去我度,祝我老如松柏!!( 估到張生日咭係你既主意,邊有人找張咁英文既生日咭,仲要係入面解釋,激死,不過唔記得有冇去你度睇星啦!! 好似冇喎~~)

看完晒先發覺,點解二小姐同BOBO冇份既???? 莫非我同你地唔熟架咩,奇怪? 定係你地又走左堂?

純真既時候是最好的!!!