媽媽生,咁講野既.......我冇呀.....我真係冇......

今日諗左好多野,開始知道自己應該點做,唔係因為耿耿於懷,而係真係唔係就唔係羅....講起我都有少少反胃...結果擒晚真係超級胃痛羅!!

我諗我既感覺同米雪個桃花劫既感覺差唔多卦....呢排我地真係要去轉下風車....

我是糊塗蟲   但身驕肉貴
從未被包圍　從未亂挑選某位

----

今天媽媽仍舊以為習以為常既藉口唔煮飯,開始懷疑有一天因為我地收工唔返黎煮飯俾佢食會發我地脾氣羅....

點解我地唔返黎食要打返黎,但係佢唔煮飯係唔會話俾人聽羅,仲要話人地唔打返去,咁係唔係要每日都打返去呢? 你可以當我唔食架喎....日日都可以架...有咩所謂....食少一餐o者!!! 橫掂我肥過二小姐呀..呢排,咪當減肥羅!!

想別人有交帶既同時,請也要同時遵守自己定既規矩!!!

只要佢唔發脾氣,唔好要我帶佢去食飯,everything is fine!!!

回家前收到少有既來電,估到唔係好野,係羅....咪又係報稅羅.....問我得唔得閒? 乜我有得揀? 又一次話俾我聽好亂,其實你想我點呀,你明知亂架啦,你唔係唔知架.....上年又係咁,今年又係咁,但係你卻從來冇用心去整理一下,你估我真係好多時間? 叫我問你,但係你會答到我咩? 你咪又係唔記得? 點解唔一早就寫好o的呢? 你真係唔好俾稅局抽中呀,到時我真係死俾你睇!!!! 為什麼人總愛不負責任? 總愛把責任推卻給別人?