星期二: 終竟都要收job~~離開或許是好的.......不過要再準時返工就比較困難!!

星期三: 公司OT!!!

星期四: 上晝眼痛SICK LEAVE,夜晚同米雪係魚一丁食飯...魚一丁O的野好似越黎越唔好食咁,同我第一次食魚一丁既質素實在差太太太遠LU~例牌又講下天南地北啦,我出左JOB大半個月,佢話佢好OUT喎,叫我UPDATE下佢,但係想同佢講羅,你已經係咁多個中最鬼UPDATE既一個黎架啦喎,自己都好OUT,媽媽生同二小姐既野我都搞唔清呀!!! 你知道我鬼多秘密架啦喎,無論係開心定唔開心都講一輪!! 勁呀!!! 唔,若果真係入伙既話,我一定會送入伙禮物既,唔...你想要一個多士爐丫定係一張帆布床呢? HA~ 其實你BB諗咩呢? 實在太奇怪啦,講過以後I PAID FOR UR DINNER AND U PAID FOR MY ICE-CREAM!

星期五: 做到好攰既感覺,同一堆FILE僵持不下,我真係好討厭AUDIT呀!!!! 個頭又痛喎,8 點鐘就閃!! 其實個人整晚都浮.....冇咩意識,回家坐地鐵已經攰到傻左....好似個身唔係自己咁....

星期六: 完全唔記得自己有約過人!!! 唉...都估到約親MEIDI小姐大家都係要等,已經好似好耐冇出黎啦佢,結果都要我等佢3個幾鐘頭,一路都好唔BUY佢,做其他野就永遠唔遲到,但係約親朋友就遲硬到,好明顯係...唉!! 結果當PHOEBE打俾AMANDA,大家都忍唔住要爆發,總之以後有佢冇我地,一係同我約早佢3個鐘!!!HA~

等等等等等..........本星期既餘興節目!!!

唔好諗住要改變一個人,要改變一個人,不如你改變自己個遷就好過啦!!

PANDA HOTEL 裝修完,好似開左四五間食野既,下次可以同媽媽生+二小姐去O個度食飯,不過又好似唔係太就腳喎!! 荃灣開左小肥羊?! 但係正確位置係邊呢?! 完全唔知呀!!都唔估唔到~~等我得閒要FIND IT OUT!! 不過媽媽生話去完北京食完,打死都唔會再係香港食喎,HA~因為好唔抵喎!

近來身邊多左人話要結婚喎,你係其一啦,但係你既諗法比較奇怪,未玩夠又仲咩鬼要結婚O者?!!!? X年,我真係好想知道個答案會係咩羅,何必呢?! 但係我知你唔會死心既!! 開始相信自己老啦!!