昨晚先後收到BELL同TERRY的電話,你地兩個老闆真係好鬼衰呀~BELL,你其實都幾叻架,成日都覺得你做左半年,等放人地做左幾年,真係一O的非人既生活羅.....好想話你知,總知你幾時打黎想呻下,大家分享下我都歡迎架~
今天是很繁忙的一天,一整天也為santic而努力,因為擒日既早走,今日就要加倍努力,好在有師兄幫我手,今次突然覺得師兄做野成熟左,做野又有條理左喎~終於係差不多5點半叫做完成左,但係老闆都睇唔切,冇辦法啦,可能今次高層會對我有少少微言,若果我擒晚肯OT,咁今早就可能搞掂,下晝就可以俾老闆睇~~<--不過又係佢叫人唔好OT既~
可能呢排都比較疲累,做完O個一刻,真係有少少虛脫既感覺~只能夠講呀....好辛苦呀~~結果以31條ADJUSTMENT作結~(仲要好多條ADUSMENET GROUP埋一堆)
5點半收到小蛇既電話係呢度附近,死話要佢等埋我~見到6點就好想走,但係點知臨收工,高層又要睇FILE,佢未睇完我又唔夠膽PRINT份數出黎喎,不過係我再想走前俾高層叫住叫我PRINT數,COPY完唯有叫師兄幫我搞埋少少手尾啦,唔該晒呀~~~~走時被高層知道我好趕,同我講左一句"約左人呀?",其實佢係唔串緊我呢? 因為佢收起左佢既笑容~
六點後例牌阿仔又過黎聊我,問我走未,仲扮醒喎,以為我今日約左佢,佢話要見下佢,真係玩野,都唔知死,搞到我冇乜MOOD,其實一向都好低調,只係初初入黎公司被人問過感情問題而答過一次,最衰都係DORIS之前窒過我,搞到阿仔知道,不過只係佢唔知道我而家既狀況O者~算啦....不過真係有少少被影響左~
唔知呢,好奇怪,好耐冇見小蛇啦,咁O岩佢又打俾我,仲有順風車坐,正呀~~~跟住仲去埋深井食晚餐前"甜品"~
同佢講左好多,也聽左佢好多,幸好沒被駡,ER~~唔知呀,雖然自己講到十分豁達,但係其實到做既時候,又可唔可以呢? 其實我永遠都明白那道理,也開始知道自己要相信事實羅,ER~~但係有得俾我揀,我真係唔想知道他與她的結局,就放過我吧,請請請別給我知道~我不是有咩期望,只係有O的野,若果會令自己更傷心,但又沒其他好處既話,咁知道左又如何呢? 知道你點解擔心我既,ER~不過有時我都CONTROL唔到架,雖然知道自己唔應該咁做...不過我會努力既~謝謝你呀~~~~雖然你成日都窒我~希望你都會幸福啦~我沒有試過你咁複雜既情況,我真係俾唔到咩意見俾你~
下午收到米雪電話,話一齊食飯,結果同阿仔+ DORIS + 米雪 + 我四個一齊去,半山扶手電梯O個邊食日本野,臨走同米雪講左一陣~高興米雪開始左自己事業上新既一頁~
現在已經8點半,但仍見到BELL上MSN,有一點擔心,唔知道佢係唔係因為開會而去唔到INTERVIEW呢? 最終收到佢原來都有IN到~
有幾日冇去過比利既日記啦,不過有時睇佢MSN就知道佢諗緊咩,無論係真感覺定錯覺,總之相信自己就係啦,幾時都支持,放心,我幾時得閒都會叫下你傾幾句既~問下大家近況呀,或者講咩都好~
不能揮走的仍是那刺痛的感覺...
|
