今日約了家人去玩, 一早起身, 其實也不早了, 都10點半了, 但不知為何全身都好酸痛..想想就係床上做一做拉根的動作…做完真的好了不少….然後就等兩佬他們來元朗稻香飲茶….這樣也好轉轉酒家也有新口味^0^

飲完茶都點幾兩點了, 就出發去大尾督踏單車及划艇…我見去到太陽還勁曬於是叫二佬先帶我們遊一轉車河…到了快四點才去踏單車….起初二嫂說不喜歡踏單車, 我就叫二佬同佢去划艇仔睇水母(因為之前同老公划過見到好多水母的.) 而我就同老媽樂儀及細細B去踏三人單車….一開始時可能我不太識路(因為次次都有人幫我睇路, 我只睇風景的所以不知道有很多地方三人車是過不到的…所以不停下車推車來轉彎..~’~ !! 不過見到老媽及樂儀玩得咁開心, 咩都扺啦^0^

之後回程老媽話要自己踏..(吓!! 妳得唔得架??? 而樂儀又唔肯讓坐…於是我就比她們一老一嫩車我啦, 我就抱住細細B坐前面…沿途那些外來的眼光都好像怪怪的…我心想..我也不想的, 你見我老媽踏得咁開心, 點叫佢讓位呀?!! 真係醜死鬼啦!!)

然後我們就跟二佬交換, 到我們去划艇….唔…其實我都有D怕返唔到岸的, 因為之前有老公在, 什麼也不用我理, 依家得我一個, 而且仲係帶往一老一嫩….結果我一個人帶他們出去, 也安全地帶她們回來, 但就找不到水母…不過我都覺得自己好勁, 可以安全划回來. 其實我們在水中央打轉時老媽及樂儀都好驚…驚我們回不去…好彩最後我都搞到.^0^ 不過隻手紅哂….

今日真係勁出汗…但大家都玩得好開心, 回程時二佬話: 我們成日缺了阿樑一個, 好多時都撞唔到一家人玩…

我都係咁話, 一個月佢只有一次是放星期六日, 而二佬就一個月才有兩天假期…