今日約咗鄭智山返學校練歌，因為我搵咗佢做我伴奏。
佢遲咗少少啦~
之後開始夾，佢係第1次睇份譜，
雖然都彈錯OK多音，但佢D Sight Reading已經幾好~
每首歌run咗2次到，有D ritard位要執出嚟練吓。
啱啱開始嗰陣，佢彈錯咗，
我同佢講，佢問我：「你已經聽熟咗個伴奏喇？」
我咪話佢知我而家會1路聽住CD(Piano Accompaniment Only)嚟練，
梗係熟啦~
佢話佢自己幫過唔少人做5級嘅伴奏，
佢見過嘅人中我唔係最差嗰個… -__-;
我都唔知佢讚緊我定踩緊我……
我問佢12月個Christmas Concert我可唔可以唔吹笛，
佢話唔得…… -___-;;
我係Handbell Choir o架……
點解我唔係打bell而係吹flute o架？
咁我入Chamber算啦~ 唉……
佢話：「練多D嘢唔好咩？」
我：「唔係唔好，但我有好多嘢練吖嘛…」
「我們的音樂團」12月要表演，又要出Recital，
幾多歌要練呀~
下年Novia結婚我又要幫佢吹笛喎，幾唔得閒呀~
佢都唔知係咪想練死我……
不過佢咁睇得起我我都開心嘅~
(可能因為Handbell Choir 冇咩人識吹flute，而我又叫做可以見得吓人，所以叫我啩~)
So far都比我想像中夾得快~
佢話我知團服D嘢同星期6嘅bell choir係2個禮拜練1次……
同我想像中有D出入……
不過遲D先問佢啦~
練完之後有人入嚟，係Jennifer。
唔知點解佢會知鄭智山喺度……
可能係鄭智山話佢知啩~
跟住佢哋就走咗喇~
上第2堂嘅Music Education，
係咁講哲學嘢，好深……
聽到我1舊雲…… -_-;
放學同Novia走，見到蕉蕉，
佢谷個老鼠仔比我睇，我咪打吓佢囉~
跟住佢又係咁谷，話腫咗~
我咪再打佢，等佢真係變腫~(玩吓啫~邊有可能吖~)
之後蕉蕉走去踢個水牌，踢趺咗，好大聲~﹗
附近好多人都識佢，猛問佢做咩~
佢話我打佢，跟住佢就撞趺咗個水牌。
又會關我事啦~
原來鄭智山喺我哋後面，
佢高8度咁串我：「係啦~全個IIM都知Cathy成日都打人o架啦~」
跟住Jennifer講咗句嘢，不過我唔記得咗係咩，
總之係附和鄭智山o架啦~
其實我聽到鄭智山咁串我我都有D唔係咁開心，
不過我知佢係玩吓，諗住算啦；
點知Jennifer講咗句嘢，我聽落有D骨囉~
我唔知佢點解會咁講，但我聽到之後係更+唔開心…… T_T
而家我有做D咩啫，無端端比人串……
我都只係打過鄭智山1次咁大把之嘛~
雖然我係無心之失，但我都知係我衰，
我都道咗歉啦~使唔使咁呀？
哼哼~~~ \_/=3
我同Novia行去地鐵站，講咗好多關於佢無得打星期2嘅bell choir嘅事。
我話會幫佢問吓鄭智山。
夜晚打咗比佢，問咗佢關於星期6bell choir嘅事，
順便問咗佢點解調走Novia。
佢覺得我為朋友出頭呢樣嘢係好，佢好欣賞；
但我唔係1個適當嘅人去同佢講呢樣嘢，
應該係Novia同佢講。
比佢「訓話」咗1輪……
我嘅心情更+唔好……
我唔係咁鍾意佢嘅態度……
今日嘅心情好差……
| 
