今朝約咗Sylvia唱K，好耐冇見佢喇~
我哋好多新歌都唔識，10.30am唱到4.00pm，
唱到唔知唱咩好﹗
於是我哋係咁點Twins嘅兒歌嚟唱，唱到傻咗~
之後我約咗陳鶴賢，要返學校考試。
佢本身約我4.15pm，但成5.00pm先到……
我哋返到學校已經5.45pm……
本來練1個鐘係夠嘅，但我哋之前只係夾過1次咁大把，
我有D擔心，所以想練多D。
但我考7.20pm，最多只係練到1個鐘。
Joyce到咗就入學校喇~
我去counter到報到咗先，問Queenie知唔知邊個監考，
點知佢話其中1個係鄭智山，大煲喇~﹗
我好怕有識嘅人監……
練Bach嗰首冇咩問題，但練Saint Saen嘅The Swan就……
個伴奏譜悶，唔係太大問題，
但佢嘅拍子同我唔同，攪到我成日都快咗。
於是陳鶴賢就改哂成份譜。
夾咗幾次都OK，又覺得好聽D喎，咪用呢個Version囉~
我7.30pm先考。
入到去，鄭智山同我講，如果1陣間cut我唔係因為我吹得唔好，
我話：係因為時間關係吖嘛﹗
原來另1個examiner係我見過嗰個Violin阿Sir﹗
鄭智山問我考scale先定歌先，我望1望陳鶴賢，佢表示想考scale先，
咁我就話考scale先。
第1條考Bb Major，冇咩問題，只係D tone colour唔係咁好。
第2條係c minor melodic，我太緊張嘅關係，吹咗2次都吹唔到……
嗰時我個腦1片空白，咩都唔記得哂……
之後考chromatic scale同arppegio就冇問題。
考第1首歌OK，有少少音爆咗。
考第2首唔係咁好，因為完全吹唔到個mood出嚟，
陳鶴賢又唔知做咩，第1個bar彈到亂咗，攪到我唔知入好定唔入好。
好彩之後可以順利完成。
考完呢首之後，鄭智山問我哋攞份伴奏譜睇，
我哋2個都話彈嘅嘢同份譜唔同。
因為鄭智山彈過呢首歌嘅伴奏，所以佢知道係唔同。
鄭智山問陳鶴賢：你係根據D咩彈頭先嗰堆音出嚟？
陳：我只係彈D chord出嚟。
鄭：你修作曲o架？
陳：我有玩開嘅~
鄭：你唔係呢度嘅學生？
陳：唔係。
鄭：其實你彈成點係唔會影響佢(指我)個分，不過我覺得應該忠於原本嘅譜。
而定攪到我聽到你彈但聽唔到佢吹。
Violin Sir：你有D搶咗佢嘅風頭。
當我拎返份譜時，鄭智山話我哋呢個版本係20世紀嘅天鵝~
考最後1隻歌，D examiner冇叫陳鶴賢出去。
我覺得吹得幾好，不過D forte同piano唔係做得好明顯。
考完哂，Violin Sir問我：你係咪好細個？
我打咗個突：吓？都OK啦~
Violin Sir：你有冇20？
鄭智山講咗D嘢，我就串佢，話我點都細過佢~
跟住佢就係咁同我講Byebye，咁我就同陳鶴賢走喇~
出到去睇返D評語，原來鄭智山喺評語最下面寫咗4隻大字：「不要踏腳」~
我頂……
我知佢唔鍾意人踏腳，但唔係咁我又數唔到拍子……
So far D評語都OK，不過我諗只係合格多幾分。
撻咗條scale，打擊幾大……
考5級都唔知點算……
陳鶴賢話覺得鄭智山串佢~
哈哈~~~ 佢係咁o架喇~ 冇咩特別意思~
之後我就返屋企lu~~~
