星期日係我地學校既家長日,
好緊張呀!
唔知道班主任會點講呢?!
好驚俾人鬧呀!
>_<
不過應該唔會太差掛?!
好彩我係林sir見,
如果俾曾sir見,
我諗我就會大難臨頭.
雖然我今次有兩科唔合格,
但係都好過上次啦!
所以總括嚟講,
成績都滿意既!
------------------------------------------
不過個日因為家長日所以我要當值,
見唔到阿媽,
唔知阿媽佢會點諗呢?
到個日先再諗啦!~

原本係學校過得好好地,
諗住一放學就走人,
點知阿sir突然間檢查我地本詞語簿,
死啦~我冇做到4篇架喎!
當阿sir檢查到我個陣時,
都知道自己衰梗,
結果真係!!
阿sir話要我補做120個,
即係篇數乘30,
放學之後我咪補做囉!
點知做到5:30都未做完,
唔得啦~
我仲要趕走學琴架嘛!
咁我就落操場講俾阿sir聽啦~
阿sir就話要對其他留係度做功課既同學公平,
問我點樣先可以令其他人覺得公平,
而我自已既良心又好過d,
咁我就話我做多30個囉!
最未我呢樣功課由8點做到12點,
我發誓以後一定唔會唔記得做詞語簿!!!!!

今日我,jeanie仲有璇姐去左apm,
諗住買d野,
點知搵成半粒鍾都搵唔到,
唯有放棄啦,
跟住我地就去左無印買在d野,
之後我地就諗住走,
咁jeanie就會去我屋企一齊做功課,
點知璇姐提議話不如去佢屋企,
我同jeanie都冇意見,咁咪去囉,
去到佢屋企就係咁上youtube睇片,
超搞笑,睇到4點就走左,
之後就把巴士返觀塘,
跟住同jeanie去吉之島買野食,
之後就各自返屋企!