六月六日

今日,一朝早要起身,KIKI 9點就打黎叫我,佢差D炸暴我電話啦!!!

起身整埋D野,就開始打履歷表~打完之後,KIKI打黎問我出得去未??我SAY就啦~THEN,佢SAY佢要去銀行入數.......

我就到樂湖個陣打比佢啦,佢同我SAY叫我去巴士站個度等~原本我諗住去樂湖個度落車,但係我又覺得天耀會近D,所以我就係天耀個度落左車啦,點之發現個度重遠,有好多路要行!!!之後我去到啦,同KIKI講番呢D野啦,點之佢就話[重之係咁就叫我係天耀個度等啦!!]因為頭先走左班車,如果我地約係個度等,或者會趕到!!

咁我地未係到等下一班車黎啦,等等下,見到D好嘔心既野~都唔知佢地係未專登整比我地睇嫁!!!我地上左車之後,佢地就無再整啦,都唔知佢地做咩!!

上到車係咁同KIKI吹水,傾到落車.......我地出到荃灣,咁我地就去左個間野個度啦,點之個度超多人呀T^T......我地排到好後呀,企左好耐之後,我地條龍先開始行,之後到我地攞FORM填,我同KIKI都填得好快,因為我地填慣左啦!!

填完之後,佢叫我地6點返到去IN~咁我地未去左食野囉,又行下咁,呢次我地有6個人去IN呀,呀嫻同埋HELEN 2點幾去IN,BOSICO要考ORAL,佢就同ERIC返去先,咁得我,呀YEE,HELEN係度......

之後佢地叫我試下先,唔好等到6點咁夜......之後我就入左去,負責IN人個3個人一個一個咁出黎,有一個係要睇下你D NO.先,如果你NO.早既就會比你IN先.......我個NO.係29....但係係我後面個D係11X,咁未佢地IN先......之後有個人無啦啦打左我尖呀><,佢NO.遲過我嫁,佢係4X幾,不過好采IN我個個人,佢無跟住NO.就比我IN啦~超好人呀,佢打左我尖都無得先!!!

跟住個個人入去個陣,超緊張呀!!!佢叫我坐啦,佢又介紹左佢D野比我聽,之後佢叫我自我介紹一分鐘,個時都唔知自己講左D咩咁,只係知道快D完就好啦!!!後黎我自我介紹完啦,點之佢就SAY[無啦??]之後我就話無啦!!THEN,佢就問左我好多野啦,問左D關於之前個間公司D野,重有興趣咁~問完之後,佢就SAY[一個星期之後就會有人打比你,叫你去IN第2次!!]聽完之後,我呆左,點解要IN多次??

IN完之後,就一個人搭車返去LU!!好累呀今日,係車上面訓左,好采係總站都落到咋!!!

P.S.今日搵唔到想食既ICE-CREAM=0=,有D唔開心TIM,小雞你大可以放心呀,我一定會同你去睇海神號嫁!!!