終於打咗日記...
o衣幾日都有想打o既念頭，但用到電腦又唔想打
雖然正值要溫書其間但不自覺hea咗幾日...
正常返教會o既生活､學琴､睇電視､傾電話....
今個星期周會主題係「為會考生打打氣」，
由小至大o既歷屆會考生分享感受，
唔知點解我今次又冇咩壓力@@
其中傳導人講咗一個幾搞笑o既比喻
佢話今次會考係一座小山丘，你未爬過之前你望落好似好高好難過...
因為你係一隻蟻 =.= 但過咗之後你會變咗一個人
係唔係有o的冷gag o既感覺....
而今日靈修o既題材又係「要是這關過了」，
佢提到<為甚麼是我們>一書中，提到一個雙目失明o既女仔，
佢求神唔好俾佢錯過係苦難中學習機會，
當佢不斷向上攀o既時候佢見到神o既旨意。
o衣個故事幾o岩我o地面對會考o既會考生，
雖然今次可能係一次難關，似乎一次訂生死...
但不論你企o係斜坡邊一個位，你一樣可以睇到神o既心意!!<-e句係書講
所以大家努力同勇敢面對會考
約一六33︰「在世上，你們有苦難，但你們可以放心，我已經勝了世界。」
在神裏面可以尋求力量同勇氣
|
