2005 年 6 月 24 日  星期五  刊登時間︰2005-06-24 07:03 PM

  好似....           

今日又係訓到成5.30pm..呢排都唔知咩事..

做人好似做到無咩希望咁..

番學又唔知為咩..唔番又更加無野做~

諗諗下..自己荒廢左自己既學業有幾耐??

之前就話係'邊個'整到大家既士氣低落,所以大家一齊唔番...

但到而家.....睇佢個心都唔會再係正形啦

咁唔通我又陪佢咁樣落去?!我應該為我既理想而努力~

我唔應該再花心機,花時間係呢d人身上...

條路係人地既..都唔關我事..

我眼前應該諗下我條路...點行..

一d野對我仲有用既..係咪要留係身邊...?!

咁相反..一d對我無用/阻礙我既野..係咪要清除...?!

我打d咁既野..唔係想講說話比邊個聽..而係呢d先係我心諗既野~

好似細佬話...點解唔行番一條自己行慣既路....?

係呀..行番自己行慣既..所有野都得心應手tim...

但唔通行慣既..就一定要行番..唔可以再行多條出黎?!

當然行既同時..所有野都係由頭黎過...一定好辛苦~仲要唔知撞幾多次板..

唔知自己要受幾多次傷...先可以得番而家"得心應手"既感覺..

人大個左..就無左細個果時既勇氣..咩都唔理..去左先算..

人大個左..就會咩都去諗左後果先..咁又唔係..咁又唔得

所以我最後都係行番自己行慣既路....

sorry~

2005 年 6 月 22 日  星期三  刊登時間︰2005-06-23 06:30 PM

  又係咁           

今日又係仆左番學校..

點知又係唔使present..michael又唔知做咩事...

一個星期推一個星期,唉..灰哂..唔做啦..

感覺好似好耐都未番過學...

對我既學業..提不起勁..

之後同肥佬行左一陣..就番屋企..果時証打比我..

去條友係英國番左黎啦...哈哈..同佢去左飲野..

等埋媽咪放工..同媽咪去左SUNDAY..都係無貨

之後就同左媽咪去左睇傢俬..終於都訂左..啦..

後日就可以睇圖啦~~~

2005 年 6 月 20 日  星期一  刊登時間︰2005-06-21 07:06 PM

  有隻野係我手上~~~           

今日訓醒之後就出左去醫院度睇家姐

哈哈..今日比我見到佢啦..我仲抱住佢tim...

佢仲輕過我個袋呀..佢得6.5磅..唔好講笑..

真係好細粒,之後仲比我見埋楠楠豬..

可能見完bb....再見番楠楠豬..

覺得楠楠豬好大隻~~哈哈

之後fionn打比我..約我去睇3333333

行到傻左.....好累....之後就同埋富食飯...

再行多陣...我地3個又去左飲野~