2005 年 10 月 30 日  星期日  刊登時間︰2005-11-01 12:31 AM

  第一次~           

琴日我開到單啦..個女人入黎訂TV櫃~$4400
咁我就一路照佢要求畫出黎..

好搞笑~我有D咩唔識我都扮去攞野..問JOE~
之後我地傾好左個款..計埋價錢之後~

個女人竟然好爽快~一D問題都無..
之後我就問JOE點..."咁~開單囉~哈哈"

之後我叫個女人落訂..佢仲問我係唔係一定要落訂..
因為佢簽VISA~要草D唔知咩野.~想一次過~哈哈

有無可能呀..第一次..就係咁容易~
之後文打電話番公司..JOE好開心咁同佢講

"CATHY,開到單啦~仲要一次過比哂..好叻呀~哈哈"
過左10MINS..文番到黎..2個男人係度傻笑~~~~

不過我自己都好開心..話哂都係一個好開始~

2005 年 10 月 23 日  星期日  刊登時間︰2005-10-23 02:38 AM

  第一日番工~~~~~           

今日第1日番工..咁個老闆就叫我番11:30,
咁好啦..咁我今日11:20am就到左...

等到成11:50,文先番黎<=佢係in我果個人呀..我初初見到佢,
仲以為佢成26,27歲點知..不來佢係我同年..仲要我係大過佢!

好啦..入到去..佢就叫我坐下先....因為無野做...
佢仲問我食唔食煙..!如果係食既..就可以隨便食..(係間鋪度)

因為佢地都係咁..之後問我鐘意聽咩歌..佢部腦大把...哈哈..
心諗..咩公司黎嫁..做生意嫁.??

之後到左1.00pm個老闆番黎啦...

佢仲係咁叫我同佢講野..唔好只係掛住畫圖..話太靜喎..
仲問我食唔食野..佢話佢請..但我唔肚餓所以唔使啦~

咁一路佢教我點sell客..仲同我講唔使咁好禮貌,
因為我地係designer..會有脾氣..d人客係受呢套!!..

聽完o哂咀...唔係嘛...咁都得..之後佢6.30pm出左去..
到左8.00佢打黎公司..問我食唔食野..話我成日無食過野..

好啦...咁咪食囉..佢仲叫我過去佢張枱度坐..佢仲同我講
如果要買d咩文具/書..買完記住攞單比佢..可以cam番$!!

之後我地食完野..仲3個人一齊食煙吹水!!好搞笑..
成日問我..你做咩唔出聲呀..唔鐘意同我傾計呀..

哈哈..成日都無10個客入黎..但呢d已經係佢地話星期6同日,
會開到好多單既日子!!吹漲~~咁我都見到文..都傾成左~~

平時1-5都唔會有人入黎.....哈哈...有無可能呀...最搞笑係..
佢同我講..唔好比咁大壓力自己...佢又唔係要我跑數..

如果係都請d有經驗,就唔使請我..仲叫我慢慢學..唔使心急~
好啦到左9:30..我見阿文仲傾緊..咁我就係度睇書啦..

JOE一句彈過黎.."喂!!放工啦..9:30啦..仲唔走"
我話"下~~!!" JOE"走啦...聽日見..當自己屋企咁得嫁啦,88"

咁我就完左我第一日番工啦~哈哈.....

P.S  如果你講既野..係真就好啦~

2005 年 10 月 15 日  星期六  刊登時間︰2005-10-15 08:37 PM

  15-10-05           

睇番上一次既日記..到而家..過左2個月..
好多野發生左..當然仲要係刻骨銘心果隻..
有時會係度諗..自己點解會咁..
有好既唔要..唔好既就死守係佢身邊..

一個對你無微不至..24小時on call..就算夜晚3.00am叫佢出黎,都唔會問點解既人..
一個用盡腦汁,都只想令到我笑,令到我開心既人..從來都唔會要我白過..
一個無論我會傷害佢有幾深,有幾痛..都唔會有一句怨言既人..
一個從來無要求過我做什麼,但願只能在我身邊..支持我既人..
一個只會著緊我,多過佢朋友,屋企人..
一個就算聽到我無理既要求,見到我野蠻既一面,都唔會發脾氣,仲要哄番你既人..

咁大個女見過一次..
27/9/03 識到佢..27/10/03大家有過一次開心既回憶..
中間發生左好多事..2年後..28/9/05 我地再次見面...
仍然對我不離不棄既一個人....點解我唔要?

一個什麼事都要講公平既一個人..
一個自以為是..自以為已經做好左男朋友既本份既一個人..
一個無時無刻都想去改變我既一個人..
一個只會要求我做得更好,而去忘記比時間我既一個人..
一個只喜歡比較,計較,講求回報既一個人..

咁大個女都係見過..點解我要死守係佢身邊.?