尋日有半日ICQ同MSN都係離開..因為同表哥出左去...
我諗而家唯一明白我既只有Kerry..Tammy..Annie Man ..Anna..Cindy..丫戴同表哥...
希望你地永遠都會係我既Best Friend啦...
尋日朝早本來仲係張床到亂諗野...又諗到喊...
跟住表哥打電話黎搵我...話想同我傾下計..
佢一聽到我把聲就知我有心事...
一聽到佢把聲..我好自然就會將所有既野講哂俾佢知..
佢就係一個咁special既人..
只要見到佢或者聽到佢...佢都能夠令任何人係佢面前唔能夠隱瞞任何野...
我用左大半個鐘先至講得哂E排發生既野俾佢聽..
佢一路聽一路俾意見我..當我講到想喊個陣..佢又會安慰我..
聽完佢講之後..個心舒服左好多...佢仲應承我以後每晚打電話俾我開解我..
『可能係其它人眼中喊就代表軟弱，但係係我眼中你永遠都係堅強既！』
『雖然lee一個傷口真係傷得你好深..亦都會永遠留低疤痕,但只要你搵到適合既藥去醫,就算個傷口有幾深都會減輕痛楚』
『係人地面前你可能要扮堅強，但係係我面前，你冇扮堅強既理由，你想喊既就喊出黎啦...』
表哥講既每一句說話都發人深省...
跟住食完飯佢黎接我..佢帶左我去沙灘..
我地係沙灘到傾左好多野..佢開朗既性格都感染到我...所有煩惱都冇哂..
希望lee個傷口真係可以俾時間沖淡啦...
人生得一知己死而無憾，更何況我有咁多呢？
Tammy Kerry 丫戴 表哥 呀榆 你地全部都咁明白我..我真係好開心丫..
|
