夏天
就係要計劃冬天嘅旅行
講起日本就會好自然想起溫泉
講到溫泉
就不得不提草津溫泉
可能你對草津溫泉有點陌生, 其實它已連續12年排<日本溫泉100選>第一名
是三大古泉之首
如果你有睇過阿部寛和上戶彩的電影-羅馬浴場
很多場境和劇情都係在草津溫泉大量取材拍攝
如果年輕的你仍沒有半點印象
一看呢張草津溫泉街的中心「湯畑」
係唔係好熟口熟面呢?!
要去草津
最近的係由東京出發
建議可以在東京玩幾日再搭車去
一來可以浸下溫泉抖下再去血拼
而且可以洗滌下心靈
把千金散盡的內疚稍稍淡忘
今次落機都下晝五、六點
第一時間去酒店旅放低行李
再去食晚餐
東京酒店咁多選擇 住過唔同區 個人而言
都係覺得住上野最好
衣食住行都最方便
機場N’EX直達
就算夜機到埗
去上野阿美橫町
都仲搵到野食
今次揀左住的上野Dormy Inn 房間唔算好大
但就在阿美橫町附近
樓下有便利店、餐廳和百貨公司等
而且又好近JR
去邊度都話咁易
東京去草津溫泉總車程大概三小時
前往的方法都有幾種
因為配合去GALA/ 越後湯澤和輕井澤
我們「JR 東京廣域周遊券」從上野站搭乘新幹線長野原草津口站
再轉乘巴士到草津溫泉
這是最快的車程
草津巴士站落車到各景點只需要有5分鐘路程
看到最多溫泉湯煙
就知到左溫泉街中心的最大景點-草津湯畑
搭新幹線最重要的事
緊係買盒便當車上吃
我們就買左兩盒和牛便當
意外之中的超好食
叫得日本第一「泉質主義」的草津溫泉
是全日本少數的強酸性溫泉
泉水PH值達2.1的酸性
對皮膚與身體保健特別好
所以自古以來便以「藥湯」聞名
有效治療各類風濕性疾病、撞傷、扭傷、慢性皮膚病和消除疲勞等功效
傳說可醫百病添
一格格的湯畑是草津溫泉眾多泉源中最大的一個
每分鐘就湧出超過500公升以上的高溫泉水
而整個草津區每分鐘就超過30,000公升
滔滔不絕嘅泉水量相當驚人
泉水再經各種地形
形成不同規模的溫泉瀑布（湯瀑）
當然也以湯畑最為壯觀
再經由竹/ 木制導水管輸送溫泉水到各個旅館酒店和公共澡堂
而泉水量相當多
這裡的溫泉旅館都唔駛加水稀釋溫泉水
完全100%的天然溫泉
在藍綠色的泉水池裡
泉水與周圍的氣溫
尤其溫差大的冬季
溫泉瀰漫著蒸汽
唔好似為草津地方細細
草津溫泉旅館就有超過100間各式各樣的選擇
有些旅館在冬天旺季更要提早3個月至半年訂房
思前想後最後訂左望雲一泊兩食
網上評價極高
在鄉間的遊客區
他們仍保持了日本的禮貌和親切
退房時還可以預約他們的車接載往巴士站
來到草津
可以先到免費足湯中浸腳暖下身
順便舒緩一對鐵腳
再開始遊覽草津溫泉附近小舖
由於草津溫泉湧出泉水溫度高達51~94攝氏度
無法立刻浸泡
因此從江戶時期的文間智慧便想到了獨特的入浴方式
先以揉湯方式把泉水降溫
這樣的揉湯方式經過歲月也演變成了一種表演
來到草津可以去看一看
有興趣還能親身體驗揉湯
晚上更有各色燈光配合映照
更顯得浪漫夢幻
日光和晚上各有景緻
不容錯過
冬天來到這裡浸溫泉就更加最適合不過
草津溫泉街的餐廳不算
也比較早關門
都係留在旅館食和式晚餐
早上起床
望一下外面
真係心曠神怡
空氣都格外清新
|
