今日去咗書展。
其實我都唔明點解我要去, 問心個句, 我唔多想去, 不過可能我唔想將來後悔, 或者想係出面hea一日, 所以我先要去。
好彩細妹係星期五個日已經去過, 否則又要陪佢地去。
十二點正孤身由石蔭出發, 一點幾入會場, 跟住就係會場內四處搜索, 會場內提供的食物亦有一定的水準, 可幸的是終於食到唔會令我作嘔的麵包。
最後行到六點鐘走人, 買咗三本中文書, 我原本想買《 達文西密碼 》的英文版, 可惜我覺得本書太細, 更要命的是當我翻看此書時, 有一種強烈的力不從心的感覺, 惟有買中文版。
歸途上見到西裝骨骨的志豪, 佢成個人似乎唔同咗。
|
