長達四日既中一迎新日終於結束了。
第一日, hea.
第二日, 校方將要向中一既同學 present 既人分組, 我被抽中 1C2 , 係同日, 我發覺我篇文全部講晒 prefect 既野, 係內容上完全唔適合對住中一既同學講, 更何況係 1C2? 而且我亦發覺我完全冇足夠既經歷去同班中一既同學分享, 而且我覺得係心智上我係完全冇資格讀中七, 似乎我心智上仍徘徊係中二三的水平.....總之我個日幾唔開心, 返到屋企之後完全冇晒心機, 淨係做咗一篇 Section C 及 A
星期六及日好正常。
星期一, 收到通知, 由於星期五放學後有部分中一同學係白枱 「 發生衝突 」, 故此唔可以好似之前咁早走, 要留到十二點半。同日中六迎新, 少咗中六既人幫手, 個個入到科大讀 Biochemistry 既彭X勇放榜前求神拜佛, 入到 U 之後就狂講風涼話:「 A-level 有幾難? 都不知幾易! 」 串咀到 ...... 不過算, 換咗係我, 我都會講風涼話。
今日要同班中一既人present, 係尋晚我將篇文完全改頭換面, 對 prefect 隻字不題, 不過依然覺得篇文好空泛, 講前講後, 心情都冇太大分別, 一篇文而已 ...... ( 好心你大方D啦, Ben Chung! )
最後係學校食lunch, 之後走人。
為了有更多時間清野, 我決定聽日唔出去玩, 唔好意思, 我要同自己講以後都唔好諗埋晒 D 傻野同做埋 D 傻事啦。
|
