今日七點半就返咗學校捉人, 事實證明搵咁多人返黎係有必要的。

之後去咗 Hall 開學禮。

今年斌叔升咗做署理副校, 全程講咗好多gag野。

由校長既講話之中, 我感覺到校長變了。

回想起初中時候, 校長總是在開學禮中對我們講一大番道理。

不過, 也許, 隨著我年紀的増加, 或是校長本身的問題, 我覺得佢講既野愈來愈欠缺深度。

由以往的講人生哲理, 轉至今日的講會考及高考成績。

我發覺我很不習慣聽校長說那些邊個邊個攞一優幾多良, 也聽不憤他吹噓高考的成績, 更不聽慣老師們叫我們愛校。

先得個一個 A , 有乜值得曬出黎? 校長話中七有很多人都能入讀高級文憑, 副學士及學士, 讀佢地想讀個科云云, 但其實知道內情的人都知道, 理科班真正入到 U 既得兩人而已。

間學校有少少共產特色, 我想起國情教育。

校長此舉究竟是想提升我們對學校的歸屬感, 還是利用我們的口去使學校的校譽得到提升, 等出年可以收到一批質素更好的中一生? 我不知道。

可能校長本人都覺得無奈。

大家唔好以為我個朝早真係咁灰, 小意思姐, 唔駛擔心。

***

七點半同家人出去逸東酒店參加姐夫的婚宴。

肯去婚宴的原因有二, 其中一個原因是為了美食, 另一個原因是見下大場面。

今次我終於可以以紅酒作為我的主要飲品。

在以往我覺得我們一家總是在婚宴中被忽略, 到今晚我才明白到, 其實婚宴中的主角只不過是一對新人, 其他人只不過是配角而已。

在婚宴中, 你可以不認識任何人, 卻不會不認識一對新人。

有時侯我覺得婚宴的背後是一大堆金錢, 面子, 以及兩家族無形的角力。

有時候婚宴真的是可以很虛偽的, 特別是當一對新人之間的愛其實是虛偽的時侯。

在席間, 有人說我完全不似十八歲, 有人仲話我細妹反而似我家姐多 D , 咁嚴重?

姐夫可算是有料之人, 婚宴完結後便會同另一半去英國讀 PHD, 返到黎後, 我們便會叫佢做 Dr. Chan 了。

不過令我印象最深刻既, 就係佢既會考分數低於本班所有人 : 十三分都冇。

佢另一半都一樣咁有料, 讀乜鬼野皮膚專科。

「假如你有一日好似你姐夫讀完博士返黎, 成七八餅野, 到時大把女仔追你啦。」阿爸如此對我說。

佢咁樣講, 到底係說女士們只看男士的學識, 還是他們的銀行戶口中的金額?

不過我真的希望佢地能夠白頭偕老, 唔好好似上次君悅酒店個 pair 咁, 結婚唔夠一年就離婚。