琴日第1日番工,,都還好啦!
番到去就整包裝,話咁快就整左2個粒鐘XD
跟住就同家強去送貨 行左兩轉就去LUNCH
西九龍究竟想點?!咩鋪都冇晒算點?!以後既lunch點算T^T
食完就同佢去左機鋪,睇佢打..完全唔想用錢去玩依d野...
佢玩左陣就冇咩引咁上番去,,我地繼續整盒…
整呀整呀又去到2點幾就再去黃金同高登送左2-3次貨
4點幾番到去再整盒,,7點先再去mk送最後1堆。
8點先搞掂晒,但係都ok~因為有好多時間都係街到行,,
送貨真係唔錯既工,不過就太悶太少野學外加冇前途囉!
小弟我今日生日啦!!!
凌晨睇完波之後都冇訓到...餓都訓唔到= ="
係NOW到搵左D戲黎睇,睇睇下就9點幾差唔多10點
之後就去訓左一陣,12點半又起左身,沖個涼就出左去玩^^
成班人去唱K,好開心=]]唱完就行左去太子果邊食扒,,
用盡全副身家港幣$57,,都係差兩蚊_ __v
食完就番左屋企立即訓教= ="
番左1星期侍應終於我頂唔順…
抹枱抹椅都叫正常,但係點會真係抹到"立立令"?
枱腳椅腳都要抹到新既一樣,你做比我睇= ="
得半粒鐘抹成個場,我識分身咩?!
由夜晚6點番到11點,我就好似同世界冇接觸咁...
我真係唔想咁,唔想同班FD冇晒交流,,
凌晨先做我既活動時間我真係唔得,,
朝早做我既訓教時間更唔得,,我唔想將日夜調轉晒...
我冇辦法去頂得順咁既生活。真係好對唔住。
對不起,我只是二世祖。
