哈佬...

估下我依家係邊樹

我係一個男仔屋企呀

係米好驚呢?

我比人拐左呀

嗚嗚嗚.....

我今日一早出左去

諗住踏冰

約左一大棚老朋友出去

點知有幾個人話遲d黎

所以我地就去左西九龍到先

係開心樂園到玩

第一次玩左咁多機動遊戲

有d玩上癮tim

真係好好玩囉

仲同呀忠生玩氣墊球

我竟然以5:7輸左比佢.......

唉

玩完之後

我地改變主義去唱k~~~

我今個月二次唱喇

不過應該仲會唱多次

我成日攞住支咪唱

冇幾耐

佳佳、震黎架

係到玩..

好開心呀

我地就黎走個陣

呀mil出現

之後走人

我同豬去旺角買野

佢地去左盛仔屋企先

我依家就係係佢到喇






今日佳佳正式同我地宣佈

佢15號要去澳洲留學

呢個消息好突然

雖然之前我都聽聞過

但係始終唔肯定

依家佢講到出口

我覺得好心傷

我第一個感覺係...下

我冇諗過有人會比我更早離開

第一次有朋友離開我地

有d傷心

而且識左咁多年

就算唔係成日係一齊

起碼我都知佢就係我地附近

我地會有機會見到佢丫

依家....

佢一去去3、4年

雖然話每年都會返黎

但係都係好唔捨得

第一次面對呢d事

我喊左出黎

忍得好辛苦

幸好燈光暗

冇人知

得音音知道

因為我係佢肩膀到喊

我都feel到忠見到、feel到

不過佢冇供我出黎

算佢啦.....

我5年級識佳佳

熟左一排

因為某某人既關係

我同佢之前有誤會

就咁就冇咩點聯絡

變返好普通既朋友

不過暗戀左佢差唔多5年

救命~

都唔知點解我會暗戀佢5年

無解

直至我對第二個有感覺

我先放開左佢

依家當然係對佢冇感覺啦

不過就算唔係佢

任何一個fd要走

我都會忍唔住架囉


之前對佢又愛又恨

佢竟然信人地一面之詞都唔信我

不過我好後悔個陣冇澄清同搞清楚

所以都唔可以怨天尤人

畢竟我都有做得唔岩

不過咁樣可能係天意啦

都過左咁多年喇

依家比我搵到第二個 ~

哈哈


我問佢點解可以下咁大既決心獨自過去讀書

佢唔會唔捨得家人、香港、我地架咩

不過原來佢一齊都係為前途著想

咁我呢?

當初係我講話想過美國既

後來發覺自己並冇原想般咁放得低

就同呀媽講想考完會考

如果考會考考得差再去

我要白白讀多一年先可以升上去

個一年係叫我適應d英文

根本就係哂時間

老實講我冇信心會考考到好分數

不過我願意努力

考得唔好

唯有中5過去啦

為左前途

幾唔想、幾唔捨得都要架啦

將來既路自己唔努力

邊個都幫你唔到

呀斯

你要add oil呀~!

不成本，便成仁





正常黎講佳佳會早過我地讀完書

當佢返黎既事候

可能會肥左

而且可能帶個外國女朋友返黎^^

講得一口流利英語

佢今次一個人過去

一定會好驚

仲要係住寄宿家庭

初到貴境

又冇朋友

又唔識溝通

不過希望佢唔好忘記係天涯海角既一方

有一班老友記十卜緊佢

我地一定會好好好..非常非常非常...十分十分掛住佢架

天下無不散之筳度

我地班fd會等係返黎架

Ｄｏｎ’ｔ　ｆｏｒｇｅｔ　ｕｓ．．　　ｐｌｚ∼！！

ｆ d ｓ h ｉ p   　４ e ｖ e ｒ




       
　　　　　　　　　　　　　　　　　　　　　　　　　　　　　　　　　　　　
　　　　　　　大頭照，好珍貴架喇∼　　　　　　　　　　　　　　　　　　　　　起腳呀．．．好有架勢喎

          

　　　個次搭船去ｂｂｑ，係第一次由佢提議架　＾＾　　　　　　　　　　　　　３劍俠係天下無敵的

　　　　　　


　　　　　　　　　　　　　好耐好耐之前既大合照．．姊妹差呀ｓｈａｎ咋，好可惜．．如果唔係就好齊人架呀＞＜