我回來了

好掛住你地呀　∼！　啜啜＞３＜

返到大６

我先發現自己住係香港係身在福中不知福

我一出世

就唔需要憂柴憂米

有一個好ｄａｄｄｙ　好ｍｕｍｍｙ

之後仲多左個細佬陪我玩

有一個美好既童年

唔駛好似大６ｄ小朋友咁

一出世就營養不良

７、８歲就要幫屋企手做野

而且我真係好幸福

有書讀

有間舒舒服服既屋住

有一班好姊妹、好朋友

有事個陣陪住我

同我傾訴

支持我

有一個我好愛既人

佢係精神支柱

為左佢我會更努力向上爬

為左佢我唔會比自己原地踏步

因為佢我會感覺到呢個世界十分溫暖

我比其他人擁有得更多

我好幸福

但係我有時會覺得自己唔配擁有咁多美好

因為我係自己身上搵唔到擁有咁多美好既資格

我覺得自己好似一隻寄生虫

一ｄ貢獻都冇

只不過係一個負累

但係我好多謝係地一直真心真意地待我

讓我沾染上幸福


我細個個陣成日都諗如果有一日我發生意外就咁死左

會唔會有人因為我既死傷心流淚　　　（　屋企人就一定會啦　）

而且會唔會有人會一世都記得有過我呢個人

曾經同你共度每一天

以前咁諗係因為我唔相信人

人並唔可信

沒有人是理所當然地被愛的

所以我一直都唔係好想話比人知自己既感受

但係依家發現不信任吃人並唔係個人的事

而係所有人的事

不論任何人都希望被信任

我都一樣希望被人重視被信任

朋友之間係，父母與子女之間係，戀人之間都係

所以一直以黎我都好自私

ｓｏｒｒｙ！

信任人的會得到幸福

被信任的亦會得到幸福

仲記得ｍｉｓｓ　ｙｉｐ比我既格言
　
　　　　　「　要想別人心裹有陽光，必先自己心裹有陽光　」

可能６年級個陣ｍｉｓｓ　ｙｉｐ已經睇到我既心病

所以先會咁講

我一直都好努力讓自己心裹存在著陽光

可惜仍然未夠

同樣，

想得到別人既信任

我自己必須先負出我信任人

我諗ｍｉｓｓ　ｙｉｐ係想我交個心比人吧



沒有人是理所當然地被愛　　－－－　　有這個想法

　　　　　　　　　　　　　　　　　　大概是因為我仲未發現自己的優點吧
　　　　　　　　　　　　　　　　　　
　　　　　　　　　　　　　　　　　　好想比個理由自己理所當然地被愛呀！


．．．．．．．．．．．．．．．．．．．．．．．．．．．．．．．．．．．．．．．．．．．．．．．．．．．．．


好細個好細個個陣

我出世冇幾耐就返左大住

我係係３歲幾個陣先見過我媽咪

個陣因為細個

我當媽咪係個大姐姐

根本唔知佢係我媽咪

所以所有野我都盡量唔想麻煩到佢

有一次病左

我都唔敢話比媽咪知

我驚佢嫌我麻煩

所以一直唔話佢知

當佢發覺我有唔舒服個陣已經好嚴重

要去醫院

之後佢問我點解唔肯同佢講唔舒服

我話比佢知我怕麻煩到佢

佢竟然話：「傻女，你點會麻煩到我呀！？你係我個女黎架喎」

佢講呢一句令我好感動

即使咁多年後我都依然記得

而且每次諗返起我個心都會漾起一種好幸福的感覺

不知不覺間就會掉下淚來

個次係我第一次感覺得到幸福

可能你地唔會覺得有咩咁感動

不過我真係好開心聽我我媽咪講既個句

好ｔｏｕｃｈｉｎｇ∼！