yesterday去左義工會議
Rita(leader)派左2本kindults
其中一本第34期
入面有個topic超搞笑...
男生女生心底話(I):男生失禮？還是 女生失儀？
互數左13個缺點...
女生說:
1.唔梳頭
不要貪快啦,搞到髮泥一舊舊,髮型不是「雀巢頭」便是「龍珠頭」,煩請注重儀容及衛生吧！
2.大聲公
平日說話粗魯大聲, 隔著幾座山都聽到你在說甚麼啦,你知嗎,這樣大聲會嚇親我們,還可能震破耳膜呀.
3.臭孤
你們打波還打波,打完波之後, 應該去沖涼啦, 坐在你旁邊的我, 快要被你臭暈了！
還有呀, 請你唔好噴止汗劑, 因為陣味更加臭......
4.口臭
每次與你們考小組討論的時候, 你們口中的「香氣」簡直令人作嘔...好心你們考試前,
先吃香口膠和緊記早上刷牙, 其實我與考官都好慘......
5.周身郁
上堂真係好想自已坐, 因為你們的雙腳永遠不會停下來, 平日與你們坐在同一張檯, 根本寫唔到字, 上唔到堂,
十分影響我們讀書呀！
6.嘲笑女生
你們經常奚落我們, 又嘲笑我們「豬扒、肥婆、大象腿」, 完全唔尊重我地！
7.搭訕
我們又不是與你好熟絡, 為何無端端搭訕, 講野口花花呀？平時朗誦又唔見你講得咁好喎！
8.粗聲粗氣
平日講野一定會夾雜著粗口, 你們知道其他人聽到後, 會感到十分唔舒服嘛？我們返屋企還要洗耳呀！
9.無膽
一見蟑螂或者四腳蛇, 你們就第一時間「閃人」, 剩下我們都不知如何是好, 你們一班男生簡直是「無膽鬼」！
10.無主見
每次與你們一起吃飯, 總是三心兩意, 婆婆媽媽, 甚麼也沒有所謂, 次次都好像要我們照顧你們...
11.欺負女生
你們一向不懂憐香惜玉, 只懂得恃著自已大力便「蝦」女生, 特別喜歡「扯」長髮女生們的辮子,
真的個過份呢！
12.無風度
一見空位就立即坐, 完全唔會讓女仔, 又唔幫手拎重野, 次次都搞到我們好狼狽呀！
13.奉旨唔做家務
成個「大男人」. 總以為家務一定要女仔做, 又唔幫手買食物, 淨係識得用個口去食...
男生說:
1.八婆仔
幾個女仔一個墟, 嘈到死...話題總離不開某人與某人拍拖這些與自已無關的事情...
如果開六方會談由你們出席就好了, 因為議題將會很快轉移到某名星或名模的婚外情,
到時核武問題仲唔即刻被擱置？
2.嗲聲嗲氣
平時必定有相機跟身, 一見到靚仔就叫人同你玩自拍, 影完仲要嗲聲
嗲氣話:「咦--好衰架！影得好差啊！」真係起哂雞皮呀！
3.「露」得嚇人
白色恤衫襯黑色內衣, 校裙刻意剪短幾吋, 面對你們, 就算你唔尷尬, 我都尷尬到要望著天花板呀！
4.坐姿失儀
永遠以為著左PE褲打底, 就可以肆無忌憚地坐...尤其係女校呀, 你叫阿SIR點樣避？
唉, 好心你們斯文一點啦！
5.細聲講大聲笑
一班人開會, 你們總是竊竊私語...問你們是否有問題, 又擰頭說不, 但又會繼續
「咬耳仔」、大聲笑...究竟你們取笑別人的意見, 還是嘲笑我們看著你們呆滯的樣子？
6.當街化妝
平日你們喜愛把地鐵當你私人化妝間, 上粉時完全當其他人透明...看著你們搽唇膏,
之後仲對住塊小鏡報以信心的微笑, 我們這些觀眾只能作出無奈的苦笑...
7.可愛教主
見面時第一句總是問人:「我今日靚唔靚？」頭髮永遠好似要拍洗頭水廣告, 又時常保持作狀的微笑...
其實靚, 係由心裡發出來的！
8.郁手郁腳
總愛從後面偷襲, 搣完身體時又會踩腳, 叫你唔好玩時反而會撲雙手過來請人吃「凍柑」...
其實, 我地男仔唔想對你們粗聲粗氣, 只是你們實在太過份了！
9.千金大小姐
無論係咪你男朋友, 只要你男仔, 你都要佢做哂一切, 包括開門, 拉椅子, 執野, 搬野,
請食飯...等等, 事後更要配以水汪汪的眼睛說:「你男仔黎架嘛！」
10.追星一族
放在檯面的, 永遠唔係教科書, 而是一篇又一篇的明星專訪, 平日忙的, 是趕緊製作紙板準備去會場迎接某明星...
11.尖叫傻笑
人群之中要尋找你們, 的確不難！只要我們一經過, 你就會大聲尖叫我的名字, 當四周的人投以奇怪的目光時,
你反而會好滿足的傻笑, 所以這一刻, 我決定扮成陌路人...
12.濃妝豔抹
我們遠遠已經可以知道你的出現, 因為你身上一定會有超濃香水味...你的樣子必定會使人聯想起某個娃娃,
因為你鋪上的厚粉, 已經使你變成完美的公仔了...
13.盲目跟風王
你是超出色的模特兒, 因為今期潮流興甚麼, 你都會立刻放哂上身...不過只要潮流一過, 你就會突然熱心公益,
因為你的衣服將會去哂救世軍的舊衣回收站...
你地又認唔認同呢！？ | 
