今日又是水彩畫日, 姐姐上完堂有D唔高興呀, 因為妹妹弄污了姐姐的大作, 搞到姐姐冇晒心機, 話要掉了幅畫呀!

下午去了新都城吃了壽司, 之後便去了公園玩, 玩到好累好累...  現在才明白, 駕車真是很累的一件事, 整天駕著車, 便等於整天都沒有休息時間, 累透了!!!!

今日係家姐仔第一日放暑假lu...  呢個係佢哋第一個咁長...既暑假, 所以我特別緊張, 一早便安排了一大堆暑期活動比佢哋 lu, 希望佢哋今個暑假都唔會係無聊白過既.

今日一早便陪了阿爸到荃灣睇中醫, 第一次喺咁大雨既時間開車, 仲車住阿爸阿媽阿女添, 好緊張架!

年紀大老毛病真係好慘, 好似睇極醫生都冇辦法咁... 依家變咗係邊個話好就即刻去邊度試, 好可憐.. 希望今次呢個真係得啦!!

妹妹第一次一個人去上興趣班, 上堂前就話唔驚, 好想去; 上堂後就話有D唔開心, 因為掛住我哋喎...

 呢幅就係佢既大作喇!

今日家姐仔派成績表呀!  成績同上學期差唔多, 有零點幾分咁多既進步囉!!  仲攞咗進步獎添!!  佢自己好開心架, 一落校車就跳下跳下, 話自己攞左好多獎喎!  比佢笑死!

今日好熱, 都唔知去邊度好, 所以只係同細佬落樓下公園玩, 不過小朋友都玩得好開心, 玩足一個下午都冇停過!

有時候小朋友真係好單純, 有得玩就什麼都冇所謂了.