不祥的感覺最近一直圍繞著我,
今日好像終於發生了....
呢一篇野將會把我所有的感覺全部講出黎。
我曾經係一個衰人,
係感情o既世界打滾左好多年,
一個極複雜o既人。
在我21歲o既時候,
我希望作出一個改變,
而且希望讀書,
所以我離開左溫哥華而黎左多倫多。
黎左之後,
真係變左好多,
連我由細識到大o既朋友都話我: "Chadwick Lin竟然唔溝女?"
我自己都好難相信!
由於一個人過黎, 屋企又窮,
所以一到步就即刻搵工做, 跟本冇時間去讀書,
讀得書就冇飯食, 有飯食就冇書讀,
而且運氣一直都好黑,
冇屋企要訓街, 車被人偷左, 銀包唔見左, 連份工都冇埋...
真係除左死老豆同埋生Cancer之外都冇乜野可以再衰!!
不過我自己本身係一個好樂觀o既人,
所以覺得一日仲有條命係度, 我就一定會起返身!
連訓街都可以同流浪漢做朋友, (Thank You for giving the spot to sleep~)
但當中個種辛苦真係自己先知。
就係我最難過o既時候,
妳出現左!
唔知道係唔係緣份,
竟然會有人鐘意左我呢個窮小子,
唔係講笑, 個一刻妳畀我o既感覺就好似天使一樣,
好單純, 好純真,
係一個我從未接觸過o既世界!
好溫暖~
所以唔駛好耐, 我鐘意左妳, 應該話係愛上左妳。
我唔想妳覺得我好似見都未見過妳就話愛妳,
怕畀妳覺得我好似好求其咁,
但其實, 我真係愛妳。
Baby, 知唔知點解我好想妳過黎?
因為我一直都唔相信長途戀愛,
由我從溫哥華過黎多倫多,
連一個同我拍左就黎8年拖o既女仔都可以分手。
所以我覺得長途係好難Keep住。
如果我唔係咁窮, 我已經可以放棄一切過黎搵妳,
無辦法o既情況下, 我只可以係MSN度同寫Blog同妳接觸,
只要我一有時間係部電腦面前,
我就係度等, 等妳上線。
雖然有時妳msg我, 但我冇回妳,
咁一定係因為我冇係電腦前面。
Baby, 有時候真係好想打畀妳, 不過真係冇辦法,
完全唔知點樣對D時差, 又怕太夜, 又怕太早,
因為當我得閒o既時候, 時間永遠好似對唔準咁。
我知道妳覺得我並不緊張妳,
其實我又點會唔緊張?
我知道妳話要過黎搵我,
我好想同妳去玩, 好想到時候可以陪妳多D,
所以其實我返緊兩份工, 存緊錢希望到時可以同妳去玩。
由朝早8點返到放晚3點,
有時妳打畀我問係唔係訓啦?
我又邊有時間訓?
咪又係返緊工...
每日我都只有4個鐘頭訓覺。
雖然好辛苦, 但我覺得值得。
所以有時真係冇時間寫Blog, 對唔住!
好彩我有兩個好兄弟,
我夜晚返到屋企佢地仲打緊機,
不過都仲會起身煮個麵我食, (多謝雷曼特+阿力克斯~)
我每日o既食糧就係午餐麵包3個, 晚餐公仔麵一碗,
所以Baby妳叫我食野o既時候,
我真係差D想喊。
可能妳會覺得好誇張, 覺得有冇咁慘?
係有o既, 不過為左存錢, 冇辦法。
好多野冇同妳講,
係因為唔想妳擔心太多,
因為我知妳會好緊張我。
有D朋友係度笑我,
話你駛唔駛咁認真啊? 未見過你都咁認真?
係因為佢地唔明白妳畀我o既衝擊係有幾大!
一種從未有過o既衝擊!
我真係好想我地可以有一個完美o既將來,
所以我依家真係好畀心機,
我明白我冷落左妳,對唔住,
不過我真係好緊張好緊張妳!
Baby,
可能妳心入面已經有第二個人,
睇到個Blog個一刻真的好心痛,
但我唔會放棄,
因為我知道我唔會再搵到第二個人可以取代到妳。
妳是我的最愛,亦係唯一,
愛妳, 真的非常愛妳!
|
