你好, 我係chadwick個朋友alex, 想同你講今日去左探佢, 醫生話佢胃炎, 要打針休養, 就係咁.
我知我冇槭權過問, 不過我睇左你地個blog, 有d野真係要比你知, 廢事你誤會佢.
你話chadwick唔緊張你, 係因為你唔知佢為你做左d乜先至會咁講. 佢知你12月要過黎搵佢,
條友就特登走去搵多份夜班, 諗住儲錢同你去玩下, 飯又唔Q食, 日日淨係食麵包.
又知道個陣時係冬天, 我地部爛鬼車個暖氣又壞鬼左, 而且又殘又舊, 佢又走去買左部車,
雖然唔係d乜野名貴車, 不過叫做靚仔d, 又有暖氣, 驚凍親你, 咁又整多條數係身. 點鬼知佢份工又cut鐘,
搞到佢好大壓力. 跟住又睇到你個blog又冇提過佢, 又見到你個篇乜野感情篇,
又話諗第二個又話出軌, 又話chadwick唔關心你, 擔心到佢幾晚到冇訓覺, 個樣幾鬼愁, 結果依家頂唔順啦, 入左廠啦.
唉, 佢又點會唔緊張你呀? 我識佢咁耐都未見過條友咁認真. 佢呢d就真係愛你啦, 唔係成日係口邊掛住話愛你先叫愛你.
佢係你背後默默為你準備所有野, 不過你唔知啫. 佢淨你想你開開心心. 好想快d見到你.
我唔係話你, 只不過我唔想我睇到我兄弟做左咁多野而你仲要誤會佢啫.
唔講啦, 你有乜野緊要事想搵佢就打我電話啦. 647-818-4561.
或者有乜野事我再contact你啦.
唔好意思, 我份人比較八掛, 比較直, 有乜得罪, 多多包涵!
|
