今日返11點, 但自己就9點幾醒左, 之後就一直無聊到返工, 一返到去就食lunch, 食完之後就入去準備下午d Mi pizza, 一整就整左3種每樣8件, 雖然速度是快過琴日, 可惜還是比熟手那d人慢左1/2分鐘, 可能要做多幾日先有他們果種速度, 不過今日做d野就順手好多, 現家基本上都計到曬佢地每種pizza餅底放佢邊, d單點睇, 點樣放令d, 由琴日一定要人地睇住先識做同唔做錯, 去到今日就算得番自己一個做曬各樣pizza都無問題, 最多未多d來密d手, 連我自己都唔信咁快計到所有野, 不過佢就話要做到熟曬先比我學其他位, 我估是要做到一知到整什麼pizzza就知道要洛什麼材料先得, 而且還是2分鍾內整好, 唉~~~不過由琴日整一個要6/7 min去到今日4/5分鐘整到一個都算有進步, 不過就唔知幾耐先熟.

      話時話雖然做左兩日pizza, 但還是覺得做pizza好過做哈迪斯, 只可惜這兩天一共做錯野兩次, 琴日就整錯左一個"至尊pizza", 忘記左洛最面層d芝士, 害到整個"至尊pizza"要做垃圾的命運, 今日就一個明明是6點鍾先做的"夏威夷風光pizza", 自己就4點半就做左, 又白白浪費左一個pizza, 雖然佢咁命運唔知點, 但一定唔方好, 這短短的兩日就整錯兩樣, 夾埋都要二百幾蚊, 好彩什麼事都無發生, 否則........, 希望之後的日子不會再發生.