因為早排成日顧住打online game同下載電影睇, 所以差唔多完全忘記曬打日誌, 直到今日開始對打開果幾隻game產生悶同唔知睇咩戲好, 先至打番個日誌! 

        話咁快又踏下年尾囉, 轉眼中五畢業左兩年囉, 身邊每樣野都轉變得好快, 無論人同事都係, 自己則由以前無肚腩,  到現家終於開始有肚腩囉, 而且都唔細下, 直至到近排先立定決心去練番長跑, 都唔知會唔會太遲呢?

        d個星期有兩餐飯要食, 兩餐都係比好小錢就有得食, 一餐係pizza hut一年食一次既飯, 每人只係比20蚊就又有翅又有鮑魚食而且又有獎抽, 雖然係好玩但係今年比以前小左一半人都有, 現家得番個33人食, 得個4圍, 以前最小最小都有6~7圍la, 唉.......都係d副經理衰! 第二餐係公司有個學師滿師請食飯, 雖然理論上唔應該有我地衣d散仔學師份, 不過佢都請埋我地勁大方, 不過佢大方既代價係d餐飯佢自己囉左3000出來請, 足足成16個人, 而且去流浮山食海鮮, 到我滿師時唔知又要囉幾多錢出來呢.....