話咁快就去到開始真正做嘢既第三日喇，
都算風平浪靜，
師兄姐都好YOUNG好NICE好肯教！
呢三日回憶最深刻係：
# 沙甸魚迫巴士
對公交的恐怖情況早有所聞既我，
已經早左兩個鐘出門口等同胞們未過關我沖去關閘總站搭車，
但話時話同胞衝關既速度以光速計，我去到已經排長龍，
架車黎到條龍仲無啦啦一開二，後面既人衝上去插隊，
此時我心裏面只有一句「DIU 那咪」.....
好彩我上去都留返兩個位俾我揀，都安全坐返醫院嘆個早餐先返工∼
# 颱風之不用上班日
話說李氏力場SERVER既值日生俾人「的」左去問話既時候，
「點解個力場失左效架?!!*@#&!#@*$」
我就在家嘆彪哥買黎既個麥當當過期麥樂雞套餐，加返個QP沙律醬落去真係無得頂！
最後落波要上崗但公交情況嚴重非常，所以老爸特赦一天允許我哥哥車我返工！
# 護士同事教導如何保護自己免受職業傷害
今日想幫手搬病人過床，諗起係榮總實習日日都搬黎搬去諗住真係碎料，
今日一彎腰佢地己經話我個動作唔得！錯晒！咁樣耐左會椎間盤突出云云，
然後耐心教我真正既姿勢，將一隻腳摺上去張床度再拉病人，
諗起都覺得人間有愛....
唔怪得之台灣咁多人過勞死同埋職業傷害，真係要注意一下呢！
# 最驚聽電話但原來都唔係咁~可怕
其實我覺得我份人放既重點同大部分人放既重點都唔一樣，
所以可能我聽完你講野都唔係好明或者捉錯重點以為你講第二啲事，
因此一直以來都好驚聽電話，
加上唔知點解我聽親既電話都好細聲，可能我真係「撞聾」...
但做左呢度之後，覺得大家講野都好有禮貎，
只要你耐心認真好態度問多兩句Firm下成件事，係無人會嫌你煩的 ^_^
|
