琴晚forever 教我學電單車

因為我大二準備係台灣買電單車

而我爸媽都準許我買

學車開始啦

由停車, 撻車開始學

終於到可以上車試下行直線

forever 係車後面扶住

而我就慢慢比油

架車識郁果時我以為係forever 推

後黎先知5係, 哈哈

forever係後面扶住我架車ge情境

真係好似我細細個果時

我爸爸教我踩單車咁

我爸爸係後面扶住ge 感覺真係好有安全感

重新感受到一次父愛

係踩單車ge 過程中

爸爸原來一早放左手但係我5知

當我知道佢原來放左手果時

我就即刻驚到跌低左

就好似現實生活中

父母早己經放手任你去闖蕩

當你跌到ge 時候回頭望一望

佢地仍然係度~

雖然爸爸5中意我咁外向 想我讀好d書

但係向我成長過程中

佢地真係好注意我ge健康

有小學開始日日飲牛奶

飲到我而家又高又白

學踩單車同埋報名游水班

長大後覺得識踩單車同埋識游水係一件好威水ge 事!

哈哈, 可能係我運動神經差

覺得識呢兩樣已經好勁!

回憶完畢 講返學車

有一次我自己渣車

跟住5小心比多左油

跟住好驚, 又比多左油

越驚越比得多

最後都無事! 哈哈

次次講起學電單車

都會諗起我哥哥學果時俾架車ge 排氣喉淥親

成舊肉好似熟左咁, 超恐怖

見佢訓教都要就黎訓好辛苦

學完車返去返成身臭汗味

對於我呢d 5出汗ge 人黎講

真係難得

好彩係台灣考車ja

不過我直覺覺得係台灣考我都要考幾次

不過5緊要. 台灣考車好平ja ma !

哈哈!

最後多謝forever呢位良師指導=)