今日我比萬豪叫我起身，仲呃我話要返學喎∼！

佢都白癡∼！仲以為可以呃到我＝＝”咁我就冇理佢再訓啦∼！

咁我起左身之後，我阿媽返左黎，咁我就出去買Ｄ野食下啦∼！

食完之後就要出去啦，要去探阿爸啦∼！咁到左１點之後我就走左啦∼！

因為我要返教會呀嘛∼！！咁我返到葵芳果陣就見到婷雁同阿瑤啦∼！！

好彩佢地未走姐∼！返到教會冇幾耐．．”我見到叮叮佢地都黎∼！

好開心呀果陣∼！咁我咪就入左去放袋囉∼！放完之前就出左去玩啦∼！！

但係玩之前我就同阿瑤講左我阿爸得返３個月命既事，原本我唔諗住話佢知∼！

因為我知道佢會同我喊埋一份，我話左比佢知之後，我就喊左出黎啦，阿瑤都喊埋∼！

喊左一陣就出左去啦∼！冇幾耐姐姐就返左黎．．”咁我咪比野佢囉∼！

之後就睇戲啦∼！睇隱形鬥室（好似係∼！唔記得左∼！）

跟住就敬拜主啦∼！敬拜完就開大食會∼！ｋａｋａ∼！

食完之後就講睇完套電影有咩感受∼！講完之後∼！

波波就講我阿爸既事出黎，原本佢問我比唔比佢講呢一件事．．”

咁我咪比佢講囉∼！原本我就冇乜野啦∼！係有小小眼濕濕咁∼！

但係之後，波波佢地幫我祈禱，我真係喊左出黎囉∼！

仲係喊左好耐好耐．．”但係未祈完我已經開左眼∼！

見到叮叮、阿青同阿瑤佢地都喊埋出黎，果陣時我真係覺得好感動．．”

雖然佢地未試過我呢個咁既經歷，但係佢地都會為我阿爸既事而傷心∼！

我真係好感謝主，好感謝佢地∼！果刻我喊得好勁好勁∼！

嵐嵐佢就黎安慰我，借左「膊頭」比我喊∼！我喊得愈來愈勁∼！

真係唔知點解會咁∼！！但係我只係知呢一刻我真係好想好想喊∼！

我真係唔想冇左我爸爸∼！我真係真係唔敢想像冇左阿爸之後會點呀∼！

我好辛苦真係好辛苦呀∼！我唔想再喊呀∼！我好想好似以前咁傻傻地咁笑∼！

但係我都唔知再有冇呢一個可能啦∼！因為我冇乜信心我可以變返以前開開心心既我！

走果陣，ｗｉｎｇ　ｋｉｎ佢地送我返屋企∼返到去果陣，佢地就走啦∼！

返到屋企，我阿媽就係咁喊啦∼！儁就話個天好唔公平∼！係，我都一直忍同∼！

個天點解咁唔公平∼點解呀？我地年年都冇乜好日子過∼！

我阿爸之前有好多病痛∼！已經哂左好多錢∼！今次又．．．．．”＞＜”

點解個天對我地咁呀∼！？點解呀∼！？？

ｐｓ．今日真係好多謝主、ｗｉｎｇ　ｋｉｎ、姐姐、波波、阿青、叮叮、阿瑤、安婷、嵐嵐∼！

仲有好多好多人∼！真係好感謝好感謝你地．．”我有你地呢班咁好既朋友，真係我既褔氣呀∼！

好多謝你地，亦都好多謝主呀∼！！！