今日放咗補習社,落樓梯𠴱時,有個女人著住條迷你超短裙行上樓梯,我地就行落樓梯。直到佢行到上去𠴱時,𠴱隻大大大大大色狼--浩文叔轉個頭望向上面,佢實在係十分之非常鹹濕。佢呢個行為令我諗返起佢𠴱次�H採水果行動:唔記得咗係邊個午膳,有個叫車厘子�HIT姐姐入咗我地課室,跟住呀浩文叔就好似餓虎擒羊咁放隻手上佢個肩膀上面,跟住就則則博,唔多覺咁熊抱住佢,佢真係淫到出汁。
我放學𠴱時,係道叫豪哥,跟住矮仔盈心虛,走過黎打我。矮仔盈夾埋陳諾同爆牙萱一齊圍毆我,呢場戰鬥叫三「英」戰呂布(三英即係三個耆英)。佢地每人揸住一個水樽,一齊打我,跟住我就興過頭,開咗個水樽,一野就淋落𠴱個叫得最大聲嘅陳諾身上。但諗唔到我呢一下會激起咗佢嘅怒火,佢即刻變得凶猛無比,追住我黎打,我跟本毫無還擊之力。係我就比佢打到肢離破碎之前,老區話:「姣婆諾同陳旭健大戰三百個回合！」陳諾就即刻轉換目標,我就襯住呢個機會閃人。講起上黎真係要多謝老區,如果唔係佢衰多口,我都唔可以全身而退。
