係學校每隔兩日就有一次早讀
我都係圖書館借咗本書黎睇《請不要愛我》，今日已經睇完啦
個故事主角所發生既事真係好似我發生既事

男主角方永與女主角煜心拍拖3年之後分手
當初煜心只係因為未感受過被愛的感覺而與方永拍拖
但係日子耐咗先發覺佢地2個根本就係兩類人
方永初中都未畢業，係一個工人
而煜心就讀書有成，是個預科生，仲會升讀大學
佢地相處耐咗就發覺大家冇相同話題，冇相同目標
d三年既時間只係因為方永對自己冇私既付出，煜心先與佢有情侶既關係
在感情有問題既時候煜心已經慢慢疏遠方永，之後就分手了
分手後，方永放唔低，仲做出傻事
而煜心對方永既，只係有歉疚
煜心只可以對方永既付出講聲多謝

其實真係好似架
當初我同你交往，只係因為你未試過拍拖既感覺
當有第2次出現，你就會分得清，你需要d咩人做你伴侶
而相處耐咗就發覺我地大家係兩類人
同佢地一樣，我地根本就係唔應該開始
唔同既係，我對你既付出係唔會望有d咩回報
我只係當你係我身邊既人，我樂於幫助我所以身邊既人，希望身邊既人開心
可能你對我都只係有歉意，會講多謝
故事中方永好痛恨煜心
但係我唔會恨你，因為我知道，好多事情都係上天注定既
我地之前所發生既事只係令到大家更加成熟

原來兩個人相處真係一件好難既事架
要有相同話題，有相同目標，互相深愛著對方
所以情侶們，好好珍惜而家同對方相處既時間呀
就算一旦感情有變都唔好咁傷心啦，好多野都係整定架