幾日冇打blog啦，講番依個星期發生既野先
上個星期趕完d功課，輕鬆咗少少
今個星期開始帶飯番學校食lunch，咁就可以同學生一齊食啦，哈哈
不過今個星期就有人黎睇堂啦，又準備咗成個星期
日日都忙到死，每日只係訓得6個鐘，連買糖既時間都冇
黎睇堂果個教授都唔係本科既人，我都唔係好清楚佢既要求
所以我同佢d意見上有不少衝突
佢就鐘意用電腦整powerpoint，不過我覺得數學堂又唔一定需要
黎睇堂既仲有一個正職數學老師，我同佢討論就好好多啦
今日黎睇堂，班F.4都好乖呀，冇聽計呀
不過佢地就呆滯咗少少，我問問題都冇人答，搞到有dead air既出現
最衰就係個教授只係睇一堂就走咗囉，我諗住佢黎睇兩堂架嘛
不過佢走咗之後大家就輕鬆咗好多啦，未嘗唔係一件好事
落堂之後同個教授傾番，完來佢都覺得唔錯喎
佢仲有讚我添，佢話頭先都係一堂成功既課堂
佢俾咗個credit我呀，不過其實我覺得自己今日既表現唔係太好，只屬pass
佢俾credit我都好開心啦，已經上咗岸啦
因為頭兩黎睇堂都係credit，第三次就算只係pass都唔會影響到個成績啦
而家又可以鬆一鬆啦，放咗學之後去咗睇戲呀
好耐冇睇過戲啦，好爆笑好開心呀

下星期又有本科既教授黎睇堂啦，我要好好準備呀
雖然個成績唔重要，但係我都好重視佢俾我既意見
因為我都希望將來會做好d教得好d，希望d學生得益大d