又有一段時間冇打過blog啦
等我講依排發生咗既事啦

十一月一日去咗海洋公園哈佬喂
哈,我第一次去架咋
因為我有個同事話有免費飛，所以就可以一齊去玩啦
真係好呀，唔使錢有得玩
入到去睇熊貓，好彩仲有一隻冇訓覺係到食野
d竹葉圍曬d佢個身，好得意哦
原來夜晚先好玩呀，d機動遊戲唔使排隊呀
原來而家除咗吊車之外，仲有多一個方法上山架
就係撘果間叫咩每洋快車喎，三分鐘就可以上到山啦
不過有小小被騙既感覺
總只有八個鬼屋，我地入咗其中五個
因為實在太多人啦，d鬼都嚇曬之前既人
所以唔係好驚
結論就係有讚坐果d鬼屋係做得比較好d

十一月七日星期六放工之後去咗打邊爐呀
第一次同d同事一齊有約會
今次係我發起搞架，差唔多成個月之前已經講好
不過途中經過好多枝節，有人又話屋企唔俾，有人又話要做功課唔得閒
差d搞唔成架啦，好彩最後都去到，有五個人
哈哈，我地叫咗好多野食呀，食到好飽食唔曬添
叫咗2個烏東，點知黎咗4個
其實埋單都ok貴呀，不過大家都岩岩出咗量，不過食得開心就冇計啦
話下次搞bbq團喎，唔知搞唔搞得成呢？

十一月九日好忙呀
朝早灣仔番工，下就屯門教班，晚飯番天水圍屋企食，夜晩再出旺角食黑夜壽司
個行程則係：天水圍-->灣仔-->屯門-->天水圍-->旺角-->天水圍
而家冇咗學童優惠就要撘貴車啦，就係有d麻煩
係屯門教完奧數班之後就同咗d學生去食麥當奴
仲諗住搞bbq團或者火鍋團或者韓燒
你地話搞咩好呀？不過都係果句，唔知搞唔搞得成呢
夜晩食完飯就出左旺角排隊食黑夜壽司
排咗半個鐘，食咗好多
其實已經病病地，仲周圍去食咁多野，真係唔應該
結果就真係搞到自己病咗，仲要之後日日都有野做，唔可以冇咗我喎
搞到要死硬上

十一月十二日
終於講到今日啦
最近依個月公司發生咗小小事
都係對於我不利架
最重要都唔係咁，而家我發覺公司入面原來有鬼囉
d鬼仲要做埋d偷偷摸摸鬼祟既行為
仲要唔識尊重人囉
每個人都應該有人權，每個人都應該有私隱囉，每個人都有阿媽生架
如果係發生係你身上你都唔好受啦，如果發生係你地自己d仔女身上又會點喎？
又唔試過設身處地好好地諗吓喎
你地咁樣對我，我點會為你地盡心盡力去幫你幫公司喎
講真，我而家真係唔係為咗錢囉，我係幫你咋
我咁既心對你，你都要咁對我
不過算啦，東家唔打打西家囉
只要相信自己，相信自己有才華、有能力
總有人會識得欣賞自己既
我而家唔怕你啦
你唔識欣賞我咁就byebye啦