琴日係深培既陸運會
之前有個人打黎問我黎唔黎
我見下午先去教班同埋上午得閒就話咗去啦
仲有佢地係天水圍到搞，真係近我啦，行過去就得啦
其實我都想去既，因為都成半年冇見過d學生啦
入到場就周圍搵學生傾計
但係個重點係lunch
之前話同F.3果班去食飯，諗住係得幾個姐
點知佢地集合咗好多人，十幾廿個
最後去咗食日本野
竟然有間房可以容納到我地咁多人囉
我數過，連埋我總共有19個人囉
佢地每人都叫咗個定食，再叫咗d壽司咁啦
因為我睇佢地個勢似食唔曬d野，所以我就冇叫我果份
睇吓佢地有d咩食剩，我就去跟手尾啦
結果我食得最多既係西米露，麯鼓湯同埋腐皮壽司
佢地趕住番去會場，咁就好快食完走咗啦
埋單又唔係好貴喎
又唔係有好多機會，一大班食得開心就得啦
我睇吓到聖誕果陣得唔得閒再番黎啦

今日去咗觀塘教奧數班
完咗之後就同佢地一齊食麥當勞
係到傾BBQ既事，講好咗話放聖誕假之前搞BBQ
不過要佢地係學校BOOK到場先得啦
咁就靠佢地幫手啦
唔知搞唔搞得成呢？