上星期六第1日去觀塘既一間中學到教數學班
教2班F.1，每班個半鐘，共三個鐘
我未試過做d咩高薪既工架之前
你地估吓我個時薪有幾多？哈哈

果間中學係英文，但係星期六數學班就可以用中文講
教佢地果間個feel同教TKP個feel差唔多
同時大家都係英中,睇英文,但係講中文啦
第1堂教面積體積，不過之前果晚我做notes做到2點半囉
結果出咗6頁notes,係我咁眼訓既情況都係得2個錯字算好好啦
因為係第1堂既關係，我今朝6點9就起身啦，訓得4個半鐘
仲要今朝撘西鐵果陣先做d題目囉，結果計錯咗2條
佢地2班都真係幾聽話幾積極喎，又肯主動出黎做數
有趣既係出現唔止一個同學計錯22-6=18囉
以我觀察到佢地個問題都係未認得d英文字
但係依個問題唔大既,遲d見多咗就認得架啦
有個同學好搞笑,條題計唔到答案果陣,隔離位同佢講係你生日呀
佢好驚訝咁樣講,521?
原來佢生日係5月21,咁樣提水都有既
第1班有請糖俾佢地食，之後我就話唔夠俾第2班喎
咁佢地話唔好俾第2班咪得囉
結果我真係冇俾到第2班,下堂補番

今堂繼續做體積，有同學可以係堂上面做曬成份野
真係叻
開唔到第二課全等相似，咁等我之前果晚係到趕notes添
之後就搭巴士返灣仔,係車到訓著咗