最近發生咗小小變化
講真其實都唔小
不過咁特別既事就遲D先講啦
講番今日先
如常六點十起身，七點四出門，去觀塘
因為未印好NOTES,所以番去先印
今日教坐標
原來有一班係教都未教，但係同時又有一班已經教到之後果課啦
點解會出現咗相差兩課既咁大差別架???
教得慢果班仲話測驗d內容有d都未教，要自己自習喎
但係聽番黎佢地都測得唔錯喎，七八成都有
不過可能差果d唔同我講姐
坐標講平移、反射同旋轉
旋轉係最難，因為我唔想佢地背式，所以教佢地將張紙一齊轉，之後再睇個坐標
唔知其他老師係點教旋轉既呢？係教佢地背公式呀?定係好似我咁一齊轉張紙呢?
不過真係唔可以教學生背個喎，如果背實好快唔記得，尤其是係測驗考試既時候

之前每份notes都會有挑戰題俾佢地諗吓，如果做得岩就有野食獎
本來諗住鼓勵佢地做數，點知佢地就變咗淨係做挑戰題，其他既題目就唔做啦
有見及此，咁我今次就出咗條超難既挑戰題
想難吓佢地，唔好淨係做獎品題
所以今次變咗做曬獎品題以外既題目就有野食啦
點知真係得喎,佢地真係肯做其他題目喎
講真，佢地真係抵讚既
都算乖呀，又肯做喎