代課都代咗個幾星期啦，開始對間學校熟絡啦
而家我發覺教電腦好似好過教數學囉
第一，因為電腦係同級教好多班，咁準備一次就可以啦，唔使咁辛苦
第二，因為d學生上電腦堂個動力大d
因為我每堂都係話做好我今日指定既野就可以上網
咁樣佢地全班就會好乖乖咁合作好聽話完成啦
而數學堂就嘈到不得了，只有前排聽到我講咩
我已經閙過佢地好幾次，連MIC都出動埋，佢地都係咁嘈
但係最有趣既係，雖然佢地嘈，但係d野佢地又識又做到個喎
而中六個applied math個情況已經開始好轉啦
講真，教applied math對我黎講都幾有難道
因為一來我中學果陣又冇讀過，而大學又俾個衰鬼教授教到唔知學咗d咩
但係而家過咗多咗幾堂之後都已經熟習咗啦

今日勁有趣囉，係學校到食蕉
佢地今日有個生果既活動，早會之後返課室一齊食香蕉
每個同學都有一條蕉，班主任都有
因為有d同學唔食，所以我食咗2條
之後返番教員室個枱頭到又有一條喎
結果我一日內食咗3條蕉啦
哈哈，又會咁有趣都有既，全校一齊食蕉
之後成相蕉皮囉，我本來想影低佢架
但係因為趕住上堂影唔切，落堂d蕉皮已經俾人處理好囉