三個星期啦已經
雖然真係好忙好忙，但係忙得黎都係開心既
等我講吓我而家一個星期有幾忙啦：
星期一：放咗學之後要返長沙灣補習中心攞印好既notes，因為星期二要用
              之後就要過去元朗上急救班去到十點，番到屋企沖完涼都十一點啦
星期二：上完堂即刻撘的過去葵涌上兩個鐘數學班，番到屋企又係八點
星期三：放咗學之後要過元朗補習，番到屋企過咗八點
星期四：放咗學係學校要教班中三TSA，五點完
星期五：最得閒既一日
星期六：朝早觀塘教班，下就灣仔補習社
星期日：放假一天，但係都要忙住出notes

今日學校發生咗小小事
就係送飯黎個飯商係運送途中發生意外，搞到全部學生要捱肚餓冇飯食
本來十二點食飯，我自己食完返黎十二點九先知原來佢地都仲未有得食囉
我知d仔辛苦架啦，所以就早d落去課室陪吓佢地囉
佢地個個都話好肚餓，叫我幫佢地去小食部買杯麵喎
但係我又點可以幫佢地買呢
搞到lunch完咗佢地都未食到野囉，真慘
去到差唔多點半先送到黎，差唔多遲咗個半鐘囉，結果用午讀時間黎食
有d同學係家長帶飯黎，但係佢地都等埋其他同學先一齊食囉，真係好呀
好彩lunch之後係我堂，可以俾佢地拾曬野先上堂
本來要測驗，結果改咗下星期一
講真，如果我知佢地冇得食要捱肚餓的話，我一定會陪佢地一齊餓囉
我自己餓小小又冇乜所謂呀，同埋可以同佢地同共進退呀嘛

今日我係佢地個座位表到數過，我已經認得26個人啦，厲害
聽日我有假放呀，因為學校借咗出去會考，同埋我又唔使監考
今日放學之後留咗係學校打波，我已經好耐冇打過囉
等我下星期帶衫帶鞋番去換黎打波先

星期六會考考英文LISTENING，我今日FAX咗去點唱呀
係點俾TKP既F.5C既，希望到時主持讀到我果張啦