今日係我最後一日見班仔仔囉
因為佢地今日對埋卷，有排先再會返學囉
而我返埋下星期就走啦
講番佢地d數學成績，又真係幾唔錯既
42個裏面，有5個9字頭，20個8字頭或以上，得2個6字頭，同埋得1個唔合格
(數學問題：咁究竟有幾多個7字頭呢？ 咁都有得問)
雖然份卷係淺，但係都要佢地肯努力做得岩至得架
最後一堂佢地都係嘈到拆天，結果講得好少野
之後就請佢地食旺旺啦
勁大包，係朝早先買，因為如果一早買定擺係屋企實會俾人嘈
琴日去咗一間學校到interview，係第二次見校長同副校長
佢地既問題，氣氛同甄選方法都令我印象深刻
應該係話，我見過咁多間，係最能夠揀到合適人選既一間
佢地要睇人地試教，睇吓個人識唔識用有效既方法教學生數學
仲睇吓個人鐘意做d咩，則係係學校裏面除咗教學以除，仲可以擔當起邊一個角色
重點係佢地可以睇到人既性格，適唔適合做老師，適唔適合係佢地學校任教
佢問我既問題，真係要我認真用心去諗點樣答佢
校長問我：「你可唔可以講出你人生最開心既三件事呢，如果你介意的話可以唔講」
佢一問我就知佢係睇緊我個人係咩性格啦
我要諗講咩事俾佢知道我既性格先好呢
諗好之後講咗兩件
之後佢又問；「咁你可唔可以講吓你人生最唔開心既三件事呢，如果你介意的話可以唔講」
又要諗答佢d咩好，都係答咗兩件咋
我知我答佢答得唔好，我知我未能係短時間內作出一個好既回應
不過我反而滿足，因為我係第一次見到一間學校既校長係咁有心去了解每一個人
睇吓邊一個人最適合係自己間學校任教，睇吓邊個人最適合教自己學校既學生
係我遇過既校長裏面，最令我敬佩既一個
(唔代表其他校長唔好呀，只係我未遇到姐)
係去之前，我都搵咗好多佢地學校既資料
都覺得佢地學校既風格好適合我
我都好想係間校學校到教
雖然今次衰咗，但係我輸得心服口服
因為我知道，佢地真係會搵到一個比我適合既人選
間學校適合我姐，唔代表我適合間學校架嘛，係咪？
所以我會繼續努力，做好自己去搵一間更加適合我、我又更加適合佢地既學校
我知道到而家都未搵到只係時間問題，個天好快就會安排一間我最喜愛既學校係我面前出現架啦
其實果兩題問題，我到而家仲諗緊
諗緊我人生最開心同最唔開心既三件事分別係咩
如果問你地，你地又會點答呀？
| 
