依排都幾忙，因為一來要教班，二來要返學校練牌
練牌就係為咗依幾日既比賽啦，最主要係中學學界橋牌賽啦
所以依幾日都係返去睇吓佢地打，教吓佢地打咁啦
頭2個比賽我冇出去睇佢地呀，不過佢地都成績都唔錯啦
琴日係學界既比賽
咁多間參賽既學校分開7組，每組頭2名出線
加埋上年冠亞軍，就出線十六強
佢地果組既學校都幾勁，同埋佢地又冇咩經驗，所以出唔到線囉
佢地出唔到線有些少失落既感覺，因為我地學校已經連續好多年都出到線架啦
不過佢地出唔到線都有出唔到線既好
因為就可以令今日個比賽既隊伍更加完整啦
今日個比賽係師生校友杯，則係同一隊裏面要有現學年學生，加埋老師或校友先可以組成
咁我地竟然可以組到4隊咁多囉，其中3隊都係好勁野
結果就冠亞軍都一齊攞到啦，真係威呀
初初佢地仲有諗過包攬頭3添
不過真係好難頭3名都一齊攞到架啦，而家攞咗頭2都已經係一件相當了不起既事啦
之後就去咗打邊爐啦，14個人一枱，正
今年既比賽已經告一段落啦
可能因為係攞到獎既關係，可能又係因為係7年內第一次出線唔到十六強既關係
佢地開始計劃努力積極學習啦
我相信如果你地keep住打牌落去，下年一定可以出線十六強
加油啦各位師弟妹，學校個成績就靠你地啦
| 
