今日係十月最後一個上課天啦，已經係到兩個月啦
都算係已經適應咗學校既環境啦，起碼係咁大既校園都知道去每一個地方係邊啦

而家有一個好消息同有一個壞消息要講
好消息先啦，今個星期開始係UT，則係統一測驗
我教果幾班成績都幾好，幾滿意
中二我係教最差果班，所以會由我獨立出卷
佢地都好俾面我，肯去嘗試肯去做
結果個合格率仲高過其他班
到中一，一班好班、一班差班
好班可以做到100%合格，真係勁
仲要最低分果個都過六成喎
而差班都只係有2個人唔合格
其中一個好搞笑：分卷88分，合格44分，佢只係做咗44分，但係岩咗42分，差2分合格
如果計個百分比的話，佢係最高，有42/44
另外一個唔合格係第三年讀中一既，唔合格都冇計

到壞消息啦
今年學校總共有94名教師，但係同時有5名超額教師
則係來年就要裁5個人啦
係教育界係講年資既，所以有遲黎先走依條例
加上數學科今年請咗3個新人，其中一個係教埋通識，而另一個係舊生來的
所以我被裁既機會係高上加高
雖然係咁，我都唔會理得咁多囉，只要做好自己，問心無愧就可以了
而且有好多事係唔可以靠一個人既能力而改變既
雖然依間唔算係一個好既學校，又有時會令到我幾頭痛
但係都有我值得開心既地方，同時亦有我繼續努力既原因
可能就係依個原因，可以令我更加珍惜每一天，每一個課堂，每一個與學生接觸既機會